Bıyl elde 181 myńnan astam talapker UBT tapsyrdy. Olardyń ishinde 78 219 oqýshy tegin joǵary bilim alý múmkindigine ıe bolmaq. Al bul tizimge ilige almaı qalǵandar aqyly negizde oqýǵa májbúr. Osy oraıda «Adyrna» tilshisi qazaqstandyq tanymal JOO-lardaǵy bilim alý qunyn anyqtady.
KIMEP ÝNIVERSITETI
Almaty qalasynda ornalasqan KIMEP (Qazaqstan menedjment, ekonomıka jáne boljaý ınstıtýty ýnıversıteti) 1992 jyly tuńǵysh prezıdent Nursultan Nazarbaevtyń jarlyǵymen qurylǵan. Bilim ordasynda 1 kredıt quny 126 710 teńgeden bastalady. Bakalavrıatty aıaqtaý úshin stýdent orta eseppen 48 pándi oqýy kerek. Bul 146 akademııalyq kredıtti quraıdy.
Demek, KIMEP-te 1 jyl bilim alý 6 000 000 teńgeden bastalady. Ýnıversıtet iskerlik basqarý, ekonomıka, halyqaralyq qatynastar, halyqaralyq quqyq jáne shet tilderi salasynda tanymal.
NAZARBAEV ÝNIVERSITETI
Nazarbayev University – aǵylshyntildi zertteý ýnıversıteti. Ol 2024 jylǵy Times Higher Education Asia University Rankings tiziminde 739 joǵary oqý ornynyń arasynda 129 orynǵa taban tiredi.
Ýnıversıtet aldyndaǵy daıarlyq, bakalavrıat jáne magıstratýra baǵdarlamalary boıynsha bilim alýshylar bir oqý jyly úshin 5 724 000 teńgeden 7 632 000 teńgege deıin tóleıdi.
Tórt jyldyq bakalavrıat kezeńi úshin stýdentter kem degende 22 mıllıon teńge jumsaıdy. Al medıına mektebiniń joǵary oqý ornynan keıingi oqý baǵdarlamalary boıynsha oqý quny bir oqý jyly úshin 5 342 000 teńgeden 14 310 000 teńgege deıin barady.
QAZAQSTAN-BRITAN TEHNIKALYQ ÝNIVERSITETI
QBTÝ – elimizdegi jetekshi tehnıkalyq ýnıversıtetterdiń biri. Jalpy shtattyq oqytýshylar quramynyń 30%-y Ulybrıtanııa, Germanııa, AQSh, Kanada, Vengrııa, Koreıa syndy memleketterdiń ókilderinen quralǵan.
Bilim ordasyndaǵy 1 kredıt quny - 35 000 - 40 000 teńge. Al oqý aqysy 2,1-2,4 mıllıon teńgeni quraıdy.
NARHOZ ÝNIVERSITETI
Narhoz (halyq sharýashylyǵy) – ekonomıka, bıznes, aqparattyq tehnologııalar, qarjy jáne quqyq salasynda oqytýdy júzege asyratyn Qazaqstandaǵy ýnıversıtet. Joǵary oqý ornynda 1 kredıt quny 23 000 teńgeden bastalyp, 38 700 teńgege deıin barady. Bilimger bir jyl ishinde shamamen 62-70 kredıt oqýy tıis.
Iaǵnı, Narhoz stýdentteri bir jylda kem degende 1 426 000 teńge tóleıdi.
ÁL-FARABI ATYNDAǴY QAZAQ ULTTYQ ÝNIVERSITETI
QazUÝ – elimizdegi kópsalaly joǵary oqý oryndary sanatyndaǵy eń úzdik ýnıversıtet. 90 jyldyq tarıhı bar joǵary oqý ornynda qazaq jáne orys tilderinde bilim alý 1 500 000 teńgeden bastalady.
Al aǵylshyn bóliminiń stýdenti atanǵyńyz kelse, 1 700 000 - 2 700 000 teńge kóleminde aqsha daıyndap qoıýyńyz qajet. Ýnıversıtette eki myńnan astam joǵary bilikti oqytýshy jumys isteıdi, sonyń ishinde 1000-nan astam ǵylym doktory men kandıdaty bar.
M.NÁRIKBAEV ATYNDAǴY QAZGIýÝ
Maqsut Nárikbaev atyndaǵy QAZGIýÝ (Qazaq gýmanıtarlyq zań ýnıversıteti) – 1994 jyly qurylǵan jeke joǵary oqý orny. Ýnıversıtette 4 mektep – joǵary gýmanıtarlyq ǵylymdar mektebi, joǵary quqyq mektebi, halyqaralyq ekonomıka mektebi men bıznes mektebi bar.
Aıta keteıik, bilim ordasynda bir jyldyq oqý aqysy 1,5 mıllıon teńgeden bastalyp, 1,770 mıllıon teńgege jetedi. Al bir kredıtt quny 26 500 teńgeden 29 500 teńgege deıin barady.
S. ASFENDIIaROV ATYNDAǴY QAZUMÝ
Sanjar Asfendııarov atyndaǵy Qazaq ulttyq medıınalyq ýnıversıteti — oqý, emdeý jáne ǵylymı-zertteý jumystaryn biriktiretin medıınalyq bilimniń flagmany. JOO-da medıına mamandyqtarynyń oqý aqysy 1 mln teńgeden joǵary. Atap aıtsaq, «Medıına», «Jalpy medıına», «Pedıatrııa», «Farmaııa», «Medıınalyq-profılaktıkalyq is», «Meıirbıke isi»mamandyqtarynda aqyly oqý 1 250 000 teńgeden bastalyp, 1 900 000 teńgege deıin barady.
Bilim ordasyndaǵy eń qymbat mamandyq — stamotologııa. Bir jyldyq oqý quny 2 100 000 teńgeni quraıdy.
E. GÝMILEV ATYNDAǴY EUÝ
L.N.Gýmılev atyndaǵy Eýrazııa ulttyq ýnıversıteti – Qazaqstannyń jetekshi klassıkalyq joǵary oqý oryndarynyń biri. Ýnıversıtet quramyna 13 fakýltet kiredi. Sondaı-aq eki áskerı-oqý mamandyǵy boıynsha zapastaǵy ofıerlerdi daıyndaıtyn áskerı kafedra jumys isteıdi.
JOO-da pedagogıkalyq mamandyqtardy aqyly negizde oqý 1 140 000 teńgeni quraıdy. Al óner jáne gýmanıtarlyq ǵylymdar, aqparattyq-kommýnıkaııalyq tehnologııalar syndy salalar 1 210 000 - 1 330 000 teńge aralyǵyn quraıdy.
SÚLEIMAN DEMIREL ATYNDAǴY ÝNIVERSITET
SDU (Súleımen Demırel ýnıversıteti) – oqý úderisin halyqaralyq úlgidegi baǵdarlamaǵa saı júrgizetin oqý orny. Kampýstaǵy bilim berý júıesi 80% - aǵylshyn, 20%-qazaq jáne orys tilderinde júrgiziledi.
Bul ýnıversıtette «mektepke deıingi tárbıleý jáne oqytý» mamandyǵynda bilim alý úshin 900 000 teńge qajet. JOO-daǵy eń qymbat mamandyqtar qataryna «esep jáne aýdıt» pen «qarjy» mamandyqtary kiredi. Oqý quny — 2 160 000 teńge.
AIMAQTYQ ÝNIVERSITETTER
Respýblıkalyq deńgeıdegi ýnıversıttermen salystyrǵanda aımaqtyq JOO-lardaǵy oqý aqysy áldeqaıda tómen. Máselen, Sh.Ýálıhanov atyndaǵy Kókshetaý ýnıversıtetinde pedagogıkalyq mamandyqtardy aqyly oqý 480 000 – 560 000 teńge aralyǵyn quraıdy. Al M.H. Dýlatı atyndaǵy Taraz óńirlik ýnıversıtetinde bilim alý 496 000 teńgeden bastalyp, 685 000 teńgege deıin barady. Safı Ótebaev atyndaǵy Atyraý munaı jáne gaz ýnıversıtetindegi kez kelgen mamandyqtyń 1 jyldyq oqý aqysy – 651 000 teńge. Al magıstr dárejesin alý úshin jylyna 780 000 teńge tóleý qajet.
Aıta keteıik, Qazaqstanda memlekettik grant konkýrsyna ótinish qabyldaý jalǵasyp jatyr. Onyń nátıjesi 10 tamyzǵa deıin jarııalanatyn bolady.
Bıylǵy oqý jylynda 2 talapker ulttyq biryńǵaı testileýden 140 ball jınap, sońǵy úsh jylda bolmaǵan rekordty ornatqan edi.
Dıana Acan
«Adyrna» ulttyq portaly
