Qazaqstannan Mońǵolııaǵa attanǵan avtobýs órtenip ketti, dep habarlaıdy "Adyrna" ulttyq portaly.
Bul týraly Altaı Respýblıkasynyń TJM Telegram-arnasy málimdedi. Shý traktisi avtojolynyń 720 shaqyrymynda reıstik avtobýstyń órtengeni jaıly derekter 20 shildede saǵat 06:13-te tústi. Órtengen avtobýs Astana - Baıan - Ýglıı (Mońǵolııa) baǵytymen júrgen.
Salonda 50 adam bolǵan. Onyń 15 balalar, al qalǵany eresekter.
"Saǵat 06:14-te órt ornyna Ońǵudaı aýylynyń №8 órt sóndirý-qutqarý bóliminiń órt sóndirýshileri sany 5 adam, 1 birlik tehnıka shyqty. Saǵat 07:15-te órt sóndirildi. Avtomobıl jolymen kólik qozǵalysy shektelmeıdi. Reseı TJM kúshimen jolaýshylar Inıa aýylyndaǵy ýaqytsha ornalastyrý pýnktine jetkizildi", - delingen habarlamada.
