Atyraý oblysynda eki bala sýǵa batyp ketti, dep habarlaıdy "Adyrna" ulttyq portaly.
Kámeletke tolmaǵan balalardyń biriniń denesi 4,5 metr tereńdikten tabyldy. Ekinshisin izdeý jumystary áli jalǵasýda.
Atyraý oblysynyń Kókarna aýylynda 20 shilde kúni 2010 jáne 2011 jyly týǵan eki jasóspirim Jaıyq ózenine batyp ketken.
Qutqarýshylar sol kúni-aq saǵat 19:30-da 4,5 metr tereńdikten 14 jastaǵy jasóspirimniń denesin sý betine shyǵardy. Ekinshi balanyń denesin izdestirý jumystaryna TJD 15 jeke quram, 5 júzý quraly jumyldyryldy.
Odan bólek, TJD azamattardyń qaýipsizdigi úshin bıyl Atyraý oblysynda sýǵa túsý maýsymy resmı túrde ashylmaǵanyn málimdedi.
