Azamattyq nekedegi áıelin óltirgeni úshin sottalǵan Bıshimbaevtyń kolonııaǵa ketpegeni anyqtaldy, dep habarlaıdy “Adyrna” ulttyq portaly.
Qýandyq Bıshimbaev Saltanat Núkenovany aıaýsyz óltirgeni úshin 24 jylǵa sottalǵan edi.
Alaıda eks-shendiniń kolonııada otyrǵany týraly Qylmystyq-atqarý júıesi komıtetiniń tóraǵasy Teńizjan Jánibekov aıtty.
"Qazirgi ýaqytta sottalýshy Bıshimbaev túrmege áli jabylǵan joq, tergeý ızolıatorynda otyr. Ol qaýiptiligi joǵary túzeý mekemesinde jazasyn óteıdi", - deıdi Jánibekov.
Komıtet tóraǵasy Bıshimbaevtyń kolonııaǵa túsken soń 15 kún karantınde bolatynyn aıtty. Odan ári sottalýshymen tárbıe jumystary júrgizilip, psıhologtar jumys istemek.
Sondaı-aq, tóraǵa Bıshimbaevtyń kolonııala qandaı jumys isteıtinine de toqtaldy.
"Jazasyn óteýshilerdi jumysqa ornalastyramyz. Bizde kásiporyn salasynda jumys isteıdi, aǵash, temir óńdeý boıynsha jumys isteıdi. Qaı jerde bos jumys orny bar sol jerde jumys isteıdi. Árbir mekemede jumysqa ornalastyrý bólimi bar, solar aınalysady", - dedi Jánibekov.
