Úndistanda 25 jastaǵy medbıke qazaqstandyq naýqasqa zorlyq áreketin jasady dep kúdikke ilingen. 50 jastaǵy qazaqstandyq áıel tize býynynyń artroskopııasyna ota jasatqan, dep habarlaıdy "Adyrna" ulttyq portaly The Times of India-ǵa siltep.
Áıel Úndistanǵa juma kúni qyzymen barǵan. Ol aýrýyna baılanysty jeksenbi kúni ot jasatyp, jergilikti aýrýhanaǵa jatqan. Naýqasty qalpyna keltirý bólmesine aýystyrǵan soń medbıke onyń jórgegin aýystyryp jatqanda orynsyz qol júgirtken kórinedi.
Ózine medbıkeniń birneshe ret seksýaldyq sıpattaǵy zorlyq-zombylyq kórsetkenin bilgen áıel bar muńyn qyzyna aıtqan. Qazaqstandyqtar dereý polıııaǵa habar berip, aýrýhana basshylyǵyna shaǵymdanypty.
Naýqas áıelge qol júgirtken kúdikti dúısenbi kúni qamaýǵa alyndy.
"Aıyptaýlardy eskere otyryp, biz oqıǵaǵa qatysy bar barlyq taraptarǵa ádiletti qaraýǵa jáne shyndyqty anyqtaý úshin jáne ádilettilikti qamtamasyz etý úshin muqııat jáne beıtarap tergeý júrgizilýine barlyq kúsh-jigerimizdi salamyz", - delingen sheteldik BAQ taratqan málimetterde.
