Suıytylǵan munaı gazyn shetelge zańsyz shyǵarýdyń 14 faktisiniń joly kesildi. Bul týraly búgin, 16 shildede Úkimet basshysy Oljas Bektenov aıtty, dep habarlaıdy «Adyrna» tilshisi.
Premer-Mınıstr elimizdiń suıytylǵan munaı gazymen qamtamasyz etý máselesine nazar aýdaryp, «kóleńkeli» eksporttyń jolyn kesý jónindegi jumysty kúsheıtýdi tapsyrdy.
Elimizde suıytylǵan gazdy avtomobıl otyny retinde paıdalaný kólemi artyp keledi. Qazaqstanda onyń bólshek saýdadaǵy baǵasy Reseı, Ózbekstan, Qyrǵyzstan jáne alys shet eldermen salystyrǵanda shamamen 2 ese tómen.
«Baǵanyń tómen bolýy iri kólemde suıytylǵan gazdyń shektes elderge zańsyz shyǵarylýyna ákep soqty. Men buǵan deıin tıisti memlekettik organdarǵa suıytylǵan gazdyń «kóleńkeli» eksportyn, onyń ishinde qylmystyq jaýapkershilikti belgileý arqyly jolyn kesý jónindegi jumysty kúsheıtýdi tapsyrdym. Ulttyq qaýipsizdik komıtetiniń derekterine sáıkes, suıytylǵan munaı gazyn shetelderge zańsyz shyǵarýdyń 14 faktisiniń joly kesildi. Bul jumysty jalǵastyrý qajet. Ásirese, tutyný kólemi negizsiz qubylyp otyrǵan Atyraý jáne Abaı oblystary men birqatar shekaralas óńirlerdegi jaǵdaıdy erekshe baqylaýǵa alýdy tapsyramyn», — dep atap ótti Oljas Bektenov.
