Qyrǵyzstan prezıdenti Sadyr Japarov zırattarǵa alyp eskertkishter turǵyzatyndar týraly pikir bildirdi, dep habarlaıdy "Adyrna" ulttyq portaly.
Qyrǵyzstan basshysy eldegi jer kóleminiń tapshylyǵyna baılanysty zırattar alyp jatqan jer telimderin paıdalanýdy qaıta qaraý kerektigin aıtty.
Sadyr Japarov Ystyqkól oblysyna jumys sapary barysynda birneshe zırattardy aralap, olardyń aýmaqtarynyń 200-300 jyl boıy qaraýsyz qalǵanyna alańdaýshylyq tanytty. Prezıdent kólemi eki qabatty úılerden de asyp túsetin zırattarda kúmbez salýǵa narazylyǵyn bildirdi.
Japarovtyń pikirinshe, mundaı qurylystar eshqandaı paıda ákelmeıdi. Kerisinshe, qundy jer keńistigin alyp jatyr.
Sonymen qatar, Sadyr Japarov aýdan ortalyqtary men aýyldardy damytý úshin jer resýrstaryn únemdep, bes qabatty turǵyn úıler salý qajet dep esepteıdtinin de atap ótti.
