Shymkentte ákimdik jınalysy ústinde tutqyndalǵan eks-sheneýnikke qatysty aldyn ala sot tyńdalymy ótti, - dep habarlaıdy “Adyrna” ulttyq portaly "Otyrar.kz"-ke silteme jasap.
Qalalyq turǵyn úı basqarmasy basshysynyń mindetin atqarǵan Azat Momynov bıýdjet qarjysyn jymqyrdy degen kúdikke ilingen.
"Tikeleı ákimniń aldynda ótip jatqan jıynda ustap alyp ketken edi. Bul sol kezde qoǵamdyq rezonanstar týdyrdy. Qoǵamdaǵy pikir 2-ge bólindi. Biz búgingi olardy óte bir úlken qatelikke oryn aldyrdy dep oılaımyz. Aldyn ala "osylaı bolady" dep aıtý óte qıyn. Ózińiz bilip otsyz, bul jaǵdaı úlken qoǵamdyq rezonans týdyryp otyr. Al, qoǵamdyq rezonans týyndaǵan qylmystyq isterde aqtalyp jatqandar shamaly", - advokat deıdi Shymyrbaı Aǵabekov.
Búgingi tyńdalymda qorǵaýshylar qylmystyq isti qaıta qaraý úshin prokýrorǵa qaıtarýdy surady. Alaıda sot aıyptalýshy taraptyń ótinishin qanaǵattandyrmady.
Aınel Oraqbaeva, Shymkent q. qylmystyq ister jónindegi aýdanaralyq sotynyń tóraǵasy:
"Qorǵaýshy Mahanovtyń qylmysty isti QPK 323-babyna sáıkes prokýrorǵa qaıtarý týraly ótinish haty qanaǵattandyrýsyz qaldyrylsyn. Qaýly shaǵym jasaýǵa nemese prokýrordyń ótinish haty boıynsha qaıta qaralýǵa jatpaıdy. Qaýlymen kelispeý týraly dálelder, appelııaııalyq shaǵym, prokýrordyń ótinish hatynda nemese sot aktileriniń kasaııalyq tártippen qaıta qaraý týraly ótinish haty engizilýi múmkin".
Eki aıyptalýshyǵa QR Qylmystyq kodekstiń 189-baby, ıaǵnı "Senip tapsyrylǵan bóten múlikti ıemdenip alý nemese talan-tarajǵa salý" deregi boıynsha kiná taǵylyp otyr. Al Azat Momynov bul bappen qatar, 218 bap, ıaǵnı "Qylmystyq jolmen alynǵan aqshany nemese ózge múlikti zańdastyrý" boıynsha da tergelip jatyr. Al sottyń kelesi otyrysy 23-shi shildede ótedi dep josparlanýda.
