Bıylǵy test tapsyrý kezinde «UBT ómirdiń úkimi emes» degen áreketimen este qalǵan mektep túlegi emtıhan nátıjesine ata-anasynyń qalaı qaraǵanyn jáne óziniń bolashaq jospary jaıynda aıtady.
Almaty oblysy, Ile aýdany №12 orta mekteptiń túlegi Ulttyq biryńǵaı testileýden 1 ball alǵan Erasyl Ýálıev halyq arasynda tanymaldyqqa ıe boldy. Jeli qoldanýshylardyń bir bóligi «tómen alǵandarǵa motıvaııa boldy», «adamnyń bilimi men qabiletin test anyqtamaıtynyn kórsettiń» dep qoldaý bildirse, endi bir bóligi «atyń shyqpasa jer órte, haıp úshin jasaǵan shyǵar» dep óz oılarymen bólisýde. Osy oraıda talapkerdiń nelikten mundaı áreketke barǵanyn ózinen surap bilýdiń sáti tústi.
- Erasyl, UBT-nyń ekinshi múmkindigin nebári 4 mınýt qana tapsyryp, 1 ball alypsyń, bulaı jasaýyńa ne sebep boldy? Osymen ne dáleldegiń keldi?
- Kóp adamdar UBT-ny jetistikke jetýdiń jalǵyz joly dep oılaıdy. Az ball alyp qalsa ómirime balta shabyldy dep qaıǵyryp jatady. UBT-nyń bolashaqqa jeteleıtin jalǵyz jol emes ekenin, bunymen ómirdiń toqtap qalmaıtynyn dáleldegim keldi. Kóbi tipti osy úshin óz-ózine qol salýǵa deıin baratyn jaǵdaılar jıi kezdesedi. 1 ball alǵannan keıin maǵan«seniń arqańda depressııadan shyqtym» dep jazǵandar kóp boldy.
- Bul áreketińe ata-anańnyń reakııasy qandaı boldy?
- Birinshi estigen kezde kishkene urysty. Sebebi, olar meniń josparly túrde jasaǵanymdy bilmeıtin. Biraq, ne úshin bulaı jasaǵanymdy durystap aıtyp bergennen keıin olar túsinip, qoldaý bildirdi.
- Grant konkýrsyna testiń birinshi múmkindiginen alǵan 93 ball nátıjesimen qatysatyn shyǵarsyń, qandaı mamandyqqa tapsyrasyń? Qaı ýnıversıtettiń stýdenti atanǵyń keledi?
- Josparym – shetelde bilim alý. Slovakııa ýnıversıtetine test tapsyryp qoıǵanmyn, qazir jaýabyn kútip otyrmyn. Túspeı qalǵan jaǵdaıda birinshi nátıjemmen «meıramhana isi» mamandyǵy boıynsha grant konkýrsyna qatysamyn. Ýnıversıtetti áli naqty tańdamadym.
- Jeli juldyzyna aınalmaı turyp ta blog júrgizip bastaǵan ekensiń, 1 ball alǵanyńnyń bultusta paıdasy tıip jatqan sııaqty. Blogyńda ne týraly aıtasyń?
- Iá, qatty áser etip jatyr. Bastaǵan kezde kúlgenadamdar qazir kelip, menimen sýretke túsip júr. Meniń qyzyǵatyn salam óte kóp, tek bireýimen shektelgim kelmeıdi. Sol sebepti, blogymda jalpy jeke damý jaıly aıtamyn dep sheshtim. Ózim bar múmkindigimdi paıdalanyp, qalaı damyǵanymdy kórsetemin, barynsha paıdaly aqparattarmen bólisemin.
- Ýaqyt bólip suhbattasqanyńa raqmet! Sáttilik!
Mereı Myrzaǵalıqyzy
«Adyrna» ulttyq portaly
