Kezinde oppozıııalyq saıasatker retinde qatar júrgen kásipkerler Tólen Toqtasynov pen Ǵalymjan Jaqııanov arasyndaǵy daý-damaı áli biter emes.
Qazir eks-depýtat Tólen Toqtasynov aýyr dertpen kúresýde. Ol Ońtústik Koreıada em alyp jatyr. Bul týraly Toqtasynovtyń áıeli Alma Toqtasynova “Adyrna” ulttyq portalyna aıtyp berdi.
- Tólen aýyryp jatyr, sondyqtan men bárin bir jaqqa ysyryp qoıdym. Biraq «jaý» uıyqtap jatqan joq jáne jaǵdaıdy paıdalanýdy uıǵardy, - deıdi Alma Toqtasynova.
Onyń oıynsha, jubaıynyń eski dostary aýyryp jatqanyna qaramaı, sotqa aryzdanýyn doǵarar emes.
- 12 maýsymda Ǵalymjan Jaqııanov, al 14 maýsymda Tagır Sısınbaev Joǵarǵy cotqa Medeý jáne Almaty qalalyq sottarynyń Jaqııanovtyń Tólen ekeýmizden aqsha óndirý týraly talap aryzyn qanaǵattandyrýdan bas tartqan sheshimderine kassaııalyq shaǵym túsirdi. Sottar ashyq rejımde baspasózdiń baqylaýymen is materıaldary men barlyq taraptar usynǵan dáleldemelerdi muqııat zerdeleı kele, Tólenniń birlesken kásipkerlikte úlesi bar ekenin, ol úshin Ǵalymjan oǵan birinshi transhty tólegenin anyqtaǵan edi. Sondaı-aq, sot Jaqııanovtyń Tólenniń úlesin satyp, Lıdiń aqshasyn jymqyrǵan qytaılyqtarmen kelisimin de dálel retinde qarastyrdy. Sot sheshimi zańdy kúshine endi. Biraq bul adamdar qaıta aryzdanýda. Olar suhbattarda eks-sýdıa jáne ákim retinde ózderiniń adaldyǵy týraly aıtady, alaıda bári kerisinshe.., - deıdi Alma Toqtasynova.
Alma Toqtasynova Jaqııanov pen Sısınbaev Joǵary sotqa aryzdaný úshin «jańa shema» oılap tapqan sekildi deıdi.
- Jaqııanov Talǵarǵa mekenjaıyn ózgertken, biraq ol Talǵarda turmaıdy. Al Sısınbaev Tólen ekeýiniń arasyndaǵy kelisim-shartty jaramsyz dep taný týraly talap-aryzben Jaqııanovtyń «turǵylyqty jeri» boıynsha Talǵar sotyna júginipti. Meniń oıymsha, olar qalalyq sottan jeńilgen soń, ádeıi meken-jaıyn ózgertip, sotty aqshamen sheshkisi keletin sekildi. Sısınbaev buryn Joǵarǵy sotta jumys istegen bolatyn. Endi tanystaryna shyǵyp, ózine durys sheshim shyǵartyp almaq dep oılaımyn,- deıdi Alma Toqtasynova.
Al bul týraly Ǵalymjan Jaqııanovtan jaýap alý múmkin bolmady.
Aıta keteıik, 20 maýsymda Almaty qalasy Alataý aýdandyq sotynda Ǵalymjan Jaqııanovtyń “Adyrna” ulttyq portaly men Tólen Toqtasynovqa bergen aryzynyń appelıaııalyq soty ótken bolatyn. Sot sheshimi ózgerissiz qaldy.
Bıyl 4 naýryzda jarııalanǵan sot qorytyndysy “Adyrna” ulttyq portalynyń YouTube arnasyndaǵy suhbatty óshirýge jáne Tólen Toqtasynovqa ondaǵy derekterdi joqqa shyǵarýyna sheshim shyǵardy. Sondaı-aq, Toqtasynov 200 myń teńge tóleýge mindetti boldy. Al “Adyrnaǵa” qoıylǵan qarjylyq talaptar negizsiz dep tanylǵan bolatyn. Bul sheshimmen “Adyrna” ulttyq portaly kelispeı appelıaııaǵa usynǵan edi.
