Astana qalalyq sotynda Qaırat Nurtasqa qatysty ákimshilik quqyqbuzýshylyq týraly is apellıaııalyq tártippen qaraldy. Sot sheshimi ózgerissiz qaldy, dep habarlaıdy “Adyrna” ulttyq portaly.
Buǵan deıin ákimshilik quqyqbuzýshylyqtar jónindegi mamandandyrylǵan aýdanaralyq sottyń qaýlysymen Qaırat Aıdarbekov usaq buzaqylyq jasaǵany úshin 15 táýlik merzimge ákimshilik qamaýǵa alynǵan bolatyn.
"Birinshi satydaǵy sot Qaırat Aıdarbekovtiń ushaqtyń ishinde janjaldasý kezinde azamat B.-ǵa qol jumsap, onyń densaýlyǵyna jeńil zııan keltirip, tóbeles kezinde balaǵat sózder aıtqanyn anyqtady. Quqyqbuzýshynyń advokaty qaýlymen kelispeı, 434-baptyń 2-bóligi boıynsha shaǵymdanyp, sottan is júrgizýdi toqtatýdy surady", - dep jazylǵan málimette.
Alaıda sot málimetinshe, qaýlynyń kúshin joıý úshin sebep anyqtalmaǵandyqtan, apellıaııanyń 9 shildedegi qaýlysymen birinshi satydaǵy sottyń sot aktisi ózgerissiz qalǵan.
Aıta ketsek, ánshi Almatydan Astanaǵa ushatyn ushaqtyń bortynda jolaýshyny soqqyǵa jyǵyp, ustalǵan edi.
