IýNESKO-nyń bas dırektory qazaqstandyq jýrnalıstiń ólimine pikir bildirdi, dep habarlaıdy “Adyrna” ulttyq portaly QazTAG-qa siltep.
Bas dırektor Odrı Azýle jýrnalıst Aıdos Sadyqovtyń ólimine sebepkerlerdi aıyptady.
«Jýrnalıst Aıdos Sadyqovtyń ólimin aıyptaımyn jáne kinálilerdi jaýapkershilikke tartý úshin jan-jaqty tergeý júrgizýge shaqyramyn. Jýrnalıster qaı jerde jumys istese de, olardyń kásibı mindetterin atqarýy úshin olardyń qaýipsizdigine kepildik berilýi kerek», - dedi IýNESKO Bas dırektory Odrı Azýle.
Aıta keteıik, Sadyqov 18 maýsym kúni Kıevtegi úıiniń janynda óltirildi.
19 maýsymda Prezıdent Qasym-Jomart Toqaev Sadyqovqa jasalǵan qastandyqqa qatysty pikir bildirip, dıplomatııalyq departament pen quqyq qorǵaý organdary arqyly osy aýyr oqıǵany jiti baqylaýǵa alýdy tapsyrǵan. Prezıdent qajet bolǵan jaǵdaıda Qazaqstannyń resmı organdaryna da qylmystyq iske qatysty nazar aýdarýǵa shaqyrdy.
