Qaztalov aýdanynyń ákimi Aslanbek Sarqulov Astana kúni qarsańynda eki otbasyǵa baspana kiltin tabystap, qýanyshymen bólisti. Saltanatty sharada aýdan ákimi Aslanbek Ahmetollauly baspana ıelerin quttyqtap, jyly lebizin bildirdi, dep habarlaıdy "Adyrna" ulttyu portaly.
"Búgin aýdan ortalyǵynda qos birdeı baspananyń berilýi memlekettik baǵdarlamalardyń júzege asyp jatyrǵanynyń aıqyn kórinisi. Qazirgi tańda halyqty turǵyn úımen qamtamasyz etý máselesi óte ózekti. Memleket basshysy Qasym-Jomart Kemeluly Toqaev «Adal adam – Adal eńbek – Adal tabys» atty ulttyq quryltaıdyń úshinshi otyrysynda «Buǵan qosa aýyl jáne aýdan ortalyǵynyń turǵyndaryna arnalǵan jańa turǵyn úı baǵdarlamasyn qolǵa alý kerek. Bul rette áleýmettik turǵyda osal toptaǵy jandar úshin nesıe ósimi 7 paıyzdan aspaýy qajet. Sonymen qatar satyp alý quqyǵymen jalǵa beriletin baspana sanyn birneshe ese kóbeıtýdi Úkimetke tapsyramyn», – dep tapsyrma bergen bolatyn. Búgin turǵyn úı kezegindegi eki otbasyny baspanamen qamtamasyz etip otyrmyz. Baspana ıelerine zor densaýlyq, otbasylaryna amandyq, shańyraq shattyǵyn tileımin", — dedi aýdan ákimi.
Baspana kezegindegi turǵyndardy satyp alý quqyqyǵymen jalǵa beriletin turǵyn úımen qamtamasyz etý halyq úshin úlken múmkindik. Jańa baspanalarǵa úıi apatty dep tanylǵan Asylzada Zulqarnaeva jáne 20 jyl eńbek ótili bar, 2012 jyldan beri turǵyn úı kezeginde turǵan bıýdjettik sala qyzmetkeri Shalyqqanym Buırasheva ıe boldy.
Kaztalov aýdanynda qazirgi tańda memlekettik baǵdarlama aıasynda 28 aýylda 116 turǵyn úıdiń qurylys jumystary júrgizilip jatyr. Qurylys sapasy aýdan ákimi men jergilikti qoǵamdastyqtyń jiti baqylaýynda.
