Ázilkesh Tursynbek Qabatov bostandyqqa shyqqan soń konert berip, qamaýǵa alynǵan Qaırat Nurtas týraly ázildedi, - dep habarlaıdy “Adyrna” ulttyq portaly.
Esterińizde bolsa, buǵan deıin ushaq bortynda usaq buzaqylyq jasaǵany úshin Tursynbek Qabatov 5 táýlikke qamaýǵa alynǵan bolatyn.
Konertten úzindini Instagram jelisinde Qabatovtyń jubaıy Móldir Muqan jarııalady.
Vıdeoda Tursynbek Qabatov zaldaǵy kórermenderge konertke 5 kún boıy tyńǵylyqty daıyndalǵanyn aıtty.
«Men bul konertke bes kún boıy qatty daıyndaldym, telefonymdy óshirdim, eshqaıda barmaı, daıyndaldym. Endi konertke daıyndalýǵa meniń ornyma Qaırat ketti», - dep ázildedi Qabatov.
Bul ázil kórermenderge unaǵan syńaıly, zal dý qol shapalaqtady.
"Kórermenderge degen qurmeti qandaı deseıshi. Búgingi konertten úzindi. Halyq jaqsy kórmese, zal lyq tolmas edi. Barlyq kelgen kórermenderge kóp rahmet. Aıtpaqshy, aıta keteıinshi. Synaq bolýy boldy ǵoı.
Baıqaǵanym, halyq tarapynan qoldaýshylar kóp boldy. Jaqsy jazǵan jandar, sizderge jaqsylyq eselene kele bersinshi. Barlyǵyńyzǵa rahmet», - dep jazdy ázilkeshtiń áıeli áleýmettik jelide.
Eske sala keteıik, Qabatov ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanyldy. Ol ákimshilik jazaǵa tartylyp, 5 táýlikke qamaýǵa alyndy. Al Qaırat Nurtas 5 shilde kúni, ushaq bortyndaǵy janjal úshin 15 táýlikke sottaldy.
