Reseı prezıdenti Vladımır Pýtın Astanada ótip jatqan Shanhaı yntymaqtastyq uıymynyń (ShYU) sammıtine keldi, dep habarlaıdy “Adyrna” ulttyq portaly Kremldiń baspasóz qyzmetine siltep.
«Reseı prezıdenti Qazaqstannyń elordasy Astanaǵa ShYU-ǵa múshe memleketter basshylary keńesiniń otyrysyna qatysý úshin keldi. 3-4 shildede ShYU-ǵa múshe elderdiń basshylary uıym aıasyndaǵy kóp qyrly yntymaqtastyqty odan ári tereńdetý jáne onyń qyzmetin jetildirýdiń jaı-kúıi men perspektıvalaryn talqylaıdy. Aǵymdaǵy halyqaralyq jáne óńirlik máseleler boıynsha pikir almasý bolady. Kezdesý qorytyndysy boıynsha Astana deklaraııasyna jáne basqa da birlesken qujattarǵa qol qoıylady», - delingen sársenbi kúni taratqan habarlamada.
Áýejaıda Reseı Federaııasynyń prezıdenti Vladımır Pýtındi Qazaqstan Respýblıkasynyń Premer-Mınıstri Oljas Bektenov qarsy aldy.
Atap ótkendeı, «ShYU plıýs» formatynda kezdesý josparlanyp otyr, oǵan ShYU-nyń baqylaýshylary men dıalogtyq seriktesteri, ıaǵnı memleketterdiń basshylary, halyqaralyq uıymdardyń basshylary men qazaqstandyq tóraǵalyq qonaqtary shaqyrylady.
«Astanada Reseı Federaııasynyń prezıdenti sammıtke qatysýshy memleket basshylarymen birqatar mańyzdy ekijaqty kelissózder ótkizýdi de josparlap otyr», - delingen habarlamada.
Eske sala keteıik, 2 shilde kúni Astana qalasyna QHR tóraǵasy Sı zınpın memlekettik saparmen kelgen bolatyn. Tóraǵany áýejaıdan memleket basshysy Qasym-Jomart Toqaev qarsy aldy.
