Qyrǵyz-qazaq qol óneri - eki týys halyqtyń qatar shapqan mádenıeti. Eki týys el bir-birimen ǵasyrlar boıy aralas-quralas ómir súrip keledi. Qyz alysyp, quda bolǵan jaǵdaılary da jıi oryn alyp otyrǵan. Jaz jaılaýynda birigip oıyn-saýyǵyn ótkizgen.
Osyndaı tyǵyz týystyq jáne kórshilik - eki el mádenıetin bir-birine jaqyn etedi. Ásirese, ol ónerde aıqyn kórinis tabady. Sebebi, qol óneri - eki halyqtyń estetıkalyq sanasy ǵana emes, turmystyq qajetti óteýge de qyzmet atqarǵan. Al, bizdiń halyqtardyń ómir salty ǵasyrlar boıy "nomadızm" dep atalatyn Kóshpendi sharýashylyq bolǵan edi.
Soǵan saı, bizdegi ydys-aıaq, qorjyn, kıiz úı jabdyqtary, at ábzelderi, tipten, kıim-keshek úlgileri de óte uqsas, ıaǵnı, sınkretti damydy.
Bóten el adamy bizdiń ónerdegi aıyrmashylyqty birden baıqaı almaıdy. Ony tek qyrǵyz-qazaqtyń ózi ǵana ajyrata alady. Mine, osy sebep bizdiń birligimizdiń jáne týystyǵymyzdyń qaınar bastaýy bolyp tabylady.
Qazir bizdiń elder óz aldyna derbes, táýelsiz memleketter. Biz álemdik arenada jeke saıası sýbekt retinde tanylýdamyz. Ol BUU músheliginde jáne IýNESKO tiziminde anyq kórsetilgen. Alaıda, bizdiń halyqtar óz qol ónerin álemge tanytýdy birlese atqarsa ǵana - qazaq-qyrǵyz qol óneri qarqyndy kúshke ıe bolady.
Osy negizde, biz "qazaq-qyrǵyz stıli" atty ónerdiń jańa baǵytyn ómirge ákelýimiz qajet. Sóıtip, ózenniń qos arnasy birigip qýatty darııaǵa aınalady. Ol eki týys elge birdeı qyzmet etpek. Bul, árıne, bizdiń óz ishimizdegi aıyrmashylyqty, ózge óner elementterin joqqa shyǵarmaıdy. Ony biz ózimiz jaqsy bilemiz. Sol da bizge jetkilikti.Al, halyqaralyq arenada - biz birge aqqan darııamyz.
Búgingi sizder ótkizgen sharalar sonyń bastamasy. Osy isimiz jalǵasa bersin.Eki týys eldiń birligi nyǵaıa bersin. Beıbit kúnderde ónerimiz qanat jaıa bersin.
Ábdirashıt Bákiruly
