Májilisi depýtaty, «AMANAT» partııasy frakııasynyń múshesi Maksım Rojın Almaty oblysynyń Qarasaı aýdanyna qarasty Qaskeleń qalasyndaǵy «Jaıly mektep» ulttyq jobasy aıasynda salynyp jatqan 1500 oryndyq mekteptiń qurylysymen tanysty. Oqýshy oryndarynyń tapshylyǵy máselesin sheshý – partııanyń saılaýaldy baǵdarlamasynyń basym baǵyttarynyń biri.
Mektep qurylysynyń bıýdjeti 6,6 mlrd teńgeni qurady. Jańa oqý oshaǵynda sapaly bilim alý úshin barlyq jaǵdaı jasalǵan. Mektepte oqý kabınetterimen qatar, tehnologııalardy óńdeý sheberhanasy, sport zaly, májilis zaly, ashana, zerthanalyq jáne kompıýterlik synyptar, medıına kabıneti bolady. Merdiger mekemeniń ókili jyl sońyna deıin qurylys jumysynyń aıaqtalatynyn aıtty.
– «AMANAT» partııasynyń saılaýaldy baǵdarlamasy aıasynda óńirde 26 jaıly mekteptiń qurylysy qarqyndy júrýde. Budan basqa bıyl taǵy da 27 mekteptiń qurylysyn bastaý josparlanǵan. Al Qaskeleńde salynyp jatqan osy nysannyń qurylys jumysy qazirgi ýaqytta 60 paıyzǵa aıaqtalǵan. Merdigerler mektepti ýaqytynda bitirýge tıis. Árıne, birinshi kezekte mekteptiń qurylysy joǵarǵy deńgeıde barlyq talaptarǵa saı bolǵany mańyzdy. «Jaıly mektep» jobasy aıasynda salynatyn mektepterdiń jıhazy tolyqtaı otandyq ónim bolýy qajet, – dedi Maksım Rojın.
Sapar barysynda depýtat otandyq ónimniń sapasyn baqylaý maqsatymen jıhaz jasaýmen aınalysatyn «Alataý Progress KZ» seriktestiginde boldy. 100-ge jýyq adamdy jumyspen qamtyǵan «Altamir» óndiris ehynyń jumysshylarymen kezdesti. Eńbek ujymyna zańnamadaǵy jańashyldyqtar týraly aıtyp, partııanyń Saılaýaldy baǵdarlamasy aıasynda atqarylyp jatqan jumystardy baıandady.
Jıhaz ehynyń quryltaıshysy Baýyrjan Moldabaevtyń aıtýynsha, búgingi tańda osy zaýytta óndiriletin mektep jıhazdary tapsyrys berýshiler tarapynan jaqsy baǵa alyp, oǵan degen suranys arta túsýde. 2023 jyldyń qorytyndysy boıynsha óndiris kólemi 2 mıllıard teńgeni quraǵan.
– Zamanaýı jıhaz da barlyq qaýipsizdik talaptaryna sáıkes bolýy shart. Sońǵy kezde otandyq ónim úlesiniń artyp kele jatqanyn erekshe atap ótýge bolady. Degenmen, jeńil ónerkásipte ımporttyń basym ekenin eskersek, otandyq úlesti arttyrý jáne daıyn ónimdi satý aýmaǵyn keńeıtý jumystaryn jalǵastyrý kerek. Biz óz tarapymyzdan kómektesýge daıynbyz, – dedi Májilis depýtaty.
Qazirgi tańda Eńbekshiqazaq, Qarasaı, Jambyl, Ile, Talǵar aýdandarynda 39 úsh aýysymda jumys isteıdi. 26 myńnan astam oqýshyǵa oryn jetispeıdi. Osy máseleni sheshý úshin «AMANAT» partııasynyń oblystyq 2023-2027 jyldarǵa arnalǵan saılaýaldy baǵdarlamasy aıasynda «Jaıly mektep» jobasymen 53 mekteptiń qurylysy josparlanǵan.
