Búgin, 1 shildede Qyrǵyzstanda qaza tapqan qazaqstandyq balalardyń deneleri arnaıy bortpen elge jetkizildi. Bul týraly ShQO ákimdiginiń baspasóz qyzmeti aıtty, dep habarlaıdy «Adyrna» tilshisi.
Buǵan deıin Osh oblysynyń Nookat aýdanynda selden qaza bolǵan aýyl turǵyndary men týrıster arasynda Shyǵys Qazaqstannyń 4 balasy bar ekenin jazǵan edik.
Qaıǵyly oqıǵa bolǵan kúni eki ul men eki qyz analarymen týystaryna qonaqqa barǵan. Týrıstik aımaqta júrgen sel olardyń ómirin qıyp ketti.
«Óńir basshysy Ermek Kósherbaev qaza tapqandardyń týystarymen kezdesti. Osy qıyn kúnderde jergilikti atqarýshy organdar men «Halıfa Altaı» meshitiniń qyzmetkerleri jerleý rásimin uıymdastyp, ótkizýdi óz moıyndaryna aldy. Óńirdiń kásiporyndary men bıznes ókilderi otbasylarǵa kómek kórsetýge daıyn ekendikterin bildirdi»,—dep jazdy ákimdiktiń baspasóz qyzmeti.
Eske salaıyq, 28 maýsymda Qyrǵyzstanda qatty jaýǵan jańbyrdyń saldarynan Osh oblysynyń Nookat aýdanynda joıqyn sel júrgen edi. Kabar agenttiginiń málimetinshe, tótenshe jaǵdaı saldarynan mert bolǵandar sany 9 adamǵa jetti.
