Qyrǵyzstanda taǵy eki kishkentaı qazaqstandyq balanyń máıiti tabyldy, dep habarlaıdy “Adyrna” ulttyq portaly QR Syrtqy ister mınıstrliginiń baspasóz qyzmetine siltep.
«Qyrǵyzstan Tótenshe jaǵdaılar mınıstrligi jedel shtabynyń málimeti boıynsha, sel saldarynan joǵalyp ketken qazaqstandyq eki kishkentaı balanyń máıiti tabyldy», - delingen habarlamada.
Qazir qujattar jedel rásimdelip, qajetti sharalar júrgizilýde.
«Qazaqstandyq dıplomattar qaza tapqandardyń týystaryna barynsha kómek kórsetýde. Jaqyn arada Qazaqstannyń Tótenshe jaǵdaılar mınıstrligi qaza tapqan tórt balanyń da denesin otanyna jetkizedi», - dep habarlady QR Syrtqy ister mınıstrligi.
Qyrǵyz Respýblıkasynyń Nookat oblysynda sel júrip, joldar men kópirlerdi qıratty. Jergilikti aqparat quraldarynyń habarlaýynsha, «Abshyr-Ata» demalys aımaǵynda 1,3 myńnan astam sel tasqynynyń qursaýynda qalǵan.
Eske sala keteıik, maýsymnyń 29-y kúni Qyrǵyzstanda sel kezinde eki qazaq balanyń qaza taýyp, taǵy ekeýiniń joǵalyp ketkeni belgili boldy. Keshke qaraı alty adamnyń ólimi týraly aqparat tústi.
