Grekııadaǵy 8 qazaqstandyqqa orman órtedi degen aıyp taǵyldy, dep habarlaıdy “Adyrna” ulttyq portaly Grekııanyń Ekathimerini basylymyna silteme jasap.
«Grekııa prokýratýrasy ótken aptada Saronık aralyndaǵy Gıdrada bolǵan órt saldarynan jeke jaldamaly ıahtada bolǵan segiz qazaqstandyqqa aıyp taǵyp otyr», - delingen habarlamada.
Iahtada taǵy eki bala bolǵany aıtylǵan, olarǵa eshqandaı aıyp taǵylmaǵan. Sheteldik BAQ Grekııa bıligi ıahtany jalǵa alýshylardan jaýap alýǵa úlgermegendikten Qazaqstannan kómek suraǵanyn jazady.
«Qylmystyq is qozǵaýǵa órt ornynda tabylǵan jańa dálelder sebep boldy. Órt sóndirýshiler órt shyqqan shyǵanaqta otshashýlardyń qaldyqtaryn tapqany habarlandy. Bul ýaqytta ıahta kapıtany men birinshi kómekshisi ustaldy, al ustalǵan basqa ekıpaj músheleri shekteýlermen kepilge bosatyldy», - dep jazdy jýrnalıster.
