UQK eks-tóraǵasy Kárim Másimovke raqymshylyq berilmeıdi. Bul týraly májilis depýtaty Abzal Quspan aıtty, dep habarlaıdy “Adyrna” ulttyq portaly.
«Prezıdent janyndaǵy azamattarǵa keshirim jasaý jónindegi komıssııasy Kárim Másimovke keshirim berýden bas tartty» dedi depýtat.
Alaıda sarapshylardyń topshylaýynsha, sońǵy sózdi Prezıdent aıtatyn sııaqty.
Eske salaıyq, Másimov 2022 jylǵy qańtar oqıǵasy kezinde ustaldy. Oǵan qatysty qylmystyq is asa qupııa grıfimen belgilendi. 2023 jyldyń 24 sáýirinde Astana soty QR Ulttyq qaýipsizdik komıtetiniń burynǵy basshysy Kárim Másimovti QR QK 175-babynyń 1-bóligi men 3-bóligi boıynsha, memleketke opasyzdyq jasady, bılikti kúshpen basyp alýǵa árekettendi jáne bılikti asyra paıdalandy degen aıyppen 18 jylǵa bas bostandyǵynan aıyrdy. Onyń úkimge shaǵymdaný áreketi sátsiz aıaqtaldy – apellıaııalyq sot úkimdi ózgerissiz qaldyrdy.
Sondaı-aq, onyń burynǵy orynbasarlary Ánýar Sadyqulov - 16, Dáýlet Erǵojın jáne Marat Osıpov - 15 jáne úsh jylǵa sottaldy.
