27 maýsymǵa qaraǵan túni Almaty qalasynyń shetinde bolǵan apat saldarynan tórt adam qaza tapty. Bul týraly Zakon.kz jarııalady, dep habarlaıdy “Adyrna” ulttyq portaly.
Aqparatqa sáıkes, Lada avtokóligi Úlken Almaty kanalynyń jolymen Besaǵash aýylynyń mańynda batys baǵytta júrip kele jatqan. Ázirge, belgisiz jaǵdaılar boıynsha, kólik joldan shyǵyp, aǵashqa soǵylyp, túgi qalmaı janyp ketken.
“Ótip bara jatqan kýágerler zardap shekkenderdi kólikten shyǵaryp, kómek kórsete bastady. Biraq qatty qysylǵan bir jolaýshyny shyǵarý múmkin bolmady. Ol kólik ishinde janyp ketti.
Oqıǵa ornynda jatqan órt sóndirgishterge qaraǵanda, kýágerler órtti óz betinshe sóndirgen. Alaıda, órt sóndirýshiler ǵana órtti tolyǵymen sóndire aldy”, delingen habarlamada.
Jol - kólik oqıǵasy saldarynan 2002 jáne 2003 jyly týǵan tórt jigit sol jerde qaıtys boldy. Besinshisi shuǵyl túrde oblystyq aýrýhanaǵa jatqyzyldy. Onyń jaǵdaıy óte aýyr. Ol týraly ázirge basqa aqparat joq.
Bul jerde jol polıııasynyń qyzmetkerleri, anyqtaýshy, krımınalıst jumys istep jatyr, olar osy apattyń barlyq jaǵdaılaryn anyqtaıdy. Oqıǵa ornyna kelgen týystary qaıtys bolǵandardyń ishinen júrgizýshini anyqtady. Kóliktiń ózi túgi qalmaı órtenip ketti.
