Memlekettik keńesshi Erlan Qarın Shetelde kadrlar daıarlaý jónindegi respýblıkalyq komıssııanyń otyrysyn ótkizdi, dep habarlaıdy “Adyrna” ulttyq portaly.
Komıssııanyń sheshimimen 184 otandasymyzǵa «Bolashaq» stıpendııasy taǵaıyndaldy. Olar magıstratýra jáne doktorantýra baǵyttary boıynsha álemniń úzdik ýnıversıtetterinde bilim alady. Sonymen qatar otyrysta otandyq ǵalymdardyń jetekshi sheteldik ǵylymı ortalyqtarda ǵylymı taǵylymdamadan ótý máselesi qaraldy.
Memlekettik keńesshi Prezıdenttiń atalǵan bastamasy Qazaqstan ǵylymynyń damýyn yntalandyrýǵa baǵyttalǵanyn atap ótti. Erlan Qarın ǵylymı taǵylymdamaǵa arnalǵan granttardy bólý kezinde otandyq ǵylymnyń basym baǵyttary boıynsha tepe-teńdikti mindetti túrde saqtaý qajet ekenine nazar aýdardy. Bul áleýmettik-gýmanıtarlyq, sondaı-aq ınjenerlik-tehnıkalyq mamandyqtarǵa da qatysty. Memlekettik keńesshi otyrys qorytyndysy boıynsha «Bolashaq» halyqaralyq stıpendııasyna jáne ǵylymı taǵylymdamalar baǵdarlamasyna konkýrstyq negizde irikteý proesin odan ári júzege asyrýǵa ári jetildirýge qatysty birqatar naqty tapsyrma berdi.
“Búgin shetelde kadrlar daıarlaý jónindegi respýblıkalyq komıssııanyń kezekti otyrysyn ótkizdik. Jalpy bıyl 184 otandasymyz «Bolashaq» halyqaralyq stıpendııasyna ıe boldy.
Komıssııa otyrysynda otandyq ǵalymdardyń álemniń jetekshi ǵylymı ortalyqtarynda taǵylymdamadan ótý máselesi qaraldy. Bul rette ǵylymı taǵylymdama boıynsha granttardy bólý kezinde otandyq ǵylymnyń basym baǵyttary boıynsha tepe-teńdikti mindetti túrde saqtaý kerek. Bul áleýmettik-gýmanıtarlyq baǵyttaǵy, sondaı-aq ınjenerlik-tehnıkalyq baǵyttaǵy mamandyqtarǵa da qatysty. Álemniń úzdik joǵary oqý oryndarynda bilim alyp, jetekshi ǵylymı, óndiristik ortalyqtarda tıisti taǵylymdamadan ótetin qazaqstandyqtar keleshekte elimizdiń damýy men órkendeýine qyzmet etedi dep senemin” dep jazdy Erlan Qarın jelide.
