Astanada órt saldarynan búlingen páterler bıýdjet esebinen jóndele me? Bul suraqqa ákimdik jaýap berdi, dep habarlaıdy “Adyrna” ulttyq portaly.
22 maýsymda órt shyqqan "Rixos Khan Shatyr Residences" TK qatysty ákimdik qurǵan komıssııa uıymdastyrý máselelerimen aınalysady.
"Órtten zaqym kelgen páterler men qasbetti jóndeý shyǵyny bıýdjet esebinen ótelmeıdi. Komıssııa ǵımaratty ary qaraı paıdalaný boıynsha tehnıkalyq máselelerdi qaraıdy. Atalmysh úıde órt bolǵanyn eskersek, bul – tótenshe jaǵdaı, qala ákimdigi uıymdastyrýshylyq máseleler boıynsha kómek kórsetedi", - delingen habarlamada.
Esterińizge sala keteıik, 22 maýsym kúni saǵat 15:00 shamasynda Astanada kópqabatty turǵyn úıden alapat órt shyqqan bolatyn. Órttiń jalpy aýmaǵy 250 sharshy metr boldy. Qutqarýshylar 12 adamdy, onyń ishinde jeti balany evakýaııalady.
Zardap shekkender týraly aqparat joq. Órttiń aldyn ala sebebi - otpen jumys kezindegi abaısyzdyq nemese az kalorııaly ot kózi. Jalyn ekinshi qabattan 27-shi qabatqa deıingi turǵyn úı kesheniniń syrtqy jabyndary men oqshaýlaýyn sharpyǵan.
