Air Astana kompanııasynyń bortserikeri jalaqylarynyń azdyǵyn aıtyp narazylyq bildirdi, dep habarlaıdy "Adyrna" ulttyq portaly Qaz365.kz-ke siltep.
Áýe kompanııa qyzmetkerleri óz shaǵymdaryn 12 maýsym kúni eotinish portalyna jarııalaǵan. Alaıda olar jumystan shyǵyp qalýdan qorqady. Sebebi kompanııa talaby boıynsha ereýil men narazylyqqa shyǵýǵa ruqsat joq. Al kompanııa basshysy shaǵymdy kimniń joldaǵanyn izdestirip jatyr.
"Bizge ereýilge shyǵýǵa zańmen tyıym salynǵandyqtan óz máselelermiz jaıly basqasha aıta almaımyz. Qatardaǵy bortseriktiń eńbekaqysy 240 myńnan 320 myń teńgege deıin quraıdy. Bul rette QR Ulttyq statıstıka bıýrosynyń derekteri boıynsha 2024 jyldyń birinshi toqsanynda ortasha aılyq ataýly jalaqy 382 279 teńgeni qurady. Sonymen qatar, QR Eńbek kodeksiniń 105-babynyń 1-tarmaǵyna sáıkes aýyr jumystarmen, zııandy nemese qaýipti eńbek jaǵdaılary bar qyzmetkerlerge eńbekaqy tóleý joǵary mólsherde belgilenedi", - delingen bortserikterdiń habarlamasynda.
Qyzmetkerler áýekompanııa basshylyǵy men kadr saıasatyn da synǵa aldy.
"Bizde vıe-prezıdentter, menedjerler tym kóp. Sheteldik basshylyq bar, olardyń jalaqysy qazaqstandaǵydaı emes. Qazir kompanııanyń shtaty 5000-nan asady. Al bort qyzmekerleri nebári 25. Bul 1 ushaqqa 200 adamdy quraıdy. Kompanııa ózin eń jaqsy jumys berýshi dep qarastyrǵanymen, qyzmetkerler múlde basqa pikirde”, – dep qosty olar.
Al Air Astana kompanııasy bortserikter shaǵymyna baılanysty pikir de bildirdi.
“Avıakompanııada bortseriktiń aı saıynǵy jalaqysy ár ushý saǵattarymen esepteledi. Sonymen qatar, olar issaparda bolǵan kezde táýliktik aqy men jol aqysy úshin qosymsha qarajat alady. Bortserikterdiń jalaqysy jáne basqa da qosymsha tólemder jyl saıynǵy negizde qaıta qaralady. Jalaqy avıakompanııadaǵy jumys ótiline jáne kásibı eńbegine baılanysty esepteledi", - delingen avıakompanııanyń jaýabynda.
Sondaı-aq, kompanııanyń baspasóz qyzmeti joldaǵan habarlamada óz qyzmetkerleriniń is-sapary kezinde 4-5 juldyzdy qonaqúılerde turýyn qamtamasyz etetinin de qosa ketti.
“Ushý quramynyń eńbek jáne demalys, sondaı-aq zeınetke shyǵý jaǵdaılary QR eńbek zańnamasymen qatań rettelgen. Avıakompanııa basshylyǵy bortserikterdiń ótinishterin nazarǵa alady jáne ekıpajdar men basqa da qyzmetkerlerdiń eńbek jáne demalys jaǵdaılaryn odan ári jaqsartý jónindegi jospardy ázirleıdi", - delingen vedomstvonyń jaýabynda.
