Aqtóbe qalasynda «Aqtóbe» jáne «Aqjar» dinı pansıonattary jabyldy, dep habarlaıdy «Adyrna» tilshisi.
Qalalyq prokýratýra balalar pansıonattary túrindegi qaıyrymdylyq mekemelerin tekserý barysynda zańnama talaptary buzylǵanyn anyqtady.
«Pansıonat tárbıelenýshileriniń jeke isterin zerdeleý barysynda olardyń dinı ádebıetterdi paıdalanǵany, sonymen qatar, jeke isterinde dinı jazbalary bar dápterlerdiń bar ekeni belgili boldy. Is júzinde mekemelerdiń qyzmeti olardyń jarǵylyq maqsattaryna qaıshy keledi.
Qaıyrymdylyq mekemeleri qyzmetiniń dinı beıimdiligi, balalar men tárbıeshilerdiń saýalnamalarymen de rastaldy»,—delingen 21 maýsymda taratylǵan habarlamada.
Odan bólek obektilerde sanıtarlyq-epıdemıologııalyq, órt, eńbek zańnamasynyń talaptary buzylǵan.
Prokýratýra málimetinshe, balalardyń tıisti bilim alýǵa, tárbıelenýge jáne der kezinde medıınalyq kómek alýǵa quqyqtary men bostandyqtary aıtarlyqtaı buzylǵan.
Qazirgi ýaqytta sot Aqtóbe qalasy prokýratýrasynyń talap-aryzy boıynsha 2 pansıonatty tirkeýden shyǵaryp, taratyp jiberdi.
