V. Gavrılenko kepilgerlerden keshirim surap, oqý aqysy boıynsha qaryzyn óz erkimen tóleýge mindettendi. Bul týraly «Halyqaralyq baǵdarlamalar ortalyǵy» AQ baspasóz qyzmeti málimdedi, dep habarlaıdy “Adyrna” ulttyq portaly.
Burynǵy stıpendıat V.Gavrılenko jáne kepilgerler M.Darıbaeva men N.Vorobevamen rezonanstyq jaǵdaı zań aıasynda sheshildi. Medıaııa qorytyndysy boıynsha V.Gavrılenko oqý beresheginiń tolyq somasyn óz erkimen óteýge mindettendi.
Shartty qamtamasyz etý úshin berilgen kepil múlki shyǵyndardyń qajetti somasyn jabady, sondyqtan kepilgerler men Ortalyq arasynda kelisimshart buzyldy.
Esterińizge sala keteıik, 2024 jyldyń qańtarynda Ortalyq anyqtalǵan buzýshylyqtardyń materıaldaryn quqyq qorǵaý organdaryna joldaǵan bolatyn. QR Sybaılas jemqorlyqqa qarsy is-qımyl agenttigi Ortalyqtyń burynǵy laýazymdy tulǵalaryna qatysty sotqa deıingi tergeý amaldaryn júrgizýde.
Valerııa Gavrılenko kepilgerlerden keshirim surady jáne Ortalyq belgilegen tártipte qaryzdy ótep jatyr.
Halyqaralyq baǵdarlamalar ortalyǵy sharttyq mindettemelerdi oryndaýdan aýytqyǵan jáne stıpendııadan aıyrylǵan tulǵalardan memlekettik bıýdjetke qarajatty qaıtarý jónindegi jumysty jalǵastyrýda.
