20 maýsym kúni Máskeýde qatty daýyl boldy, burshaq pen jańbyr jaýyp, ekpini 23 m/s-qa deıin kúsheıetin jel soqty. Saldarynan 2 adam opat bolyp, 18 adam aýrýhanaǵa túsken. Bul týraly Máskeý tergeý komıteti málimdedi, dep habarlaıdy “Adyrna” ulttyq portaly.
Aqparatqa sáıkes, bir kún buryn Reseıdiń Tótenshe jaǵdaılar mınıstrligi tornado men naızaǵaı bolýy múmkin dep shuǵyl eskertý jasaǵan.
“Edgar” daýylynan Máskeýdiń ınfraqurylymy zardap shekti, saǵatyna 90 shaqyrym jyldamdyqpen júıtkigen jel úılerdiń shatyryn ushyrǵan. 700-deı aǵashty julyp áketken. 300-deı kólik búlindi. Qalada saıabaqtar men meıramhanalardyń jazǵy alańdary jabyldy. 18 adam aýrýhanaǵa túsken. Úsheýiniń jaǵdaıy aýyr. Sınoptıkter jeldiń kúshi 10 balǵa jetkenin aıtady.
«Biz sondaı-aq qulaǵan aǵashtar men zaqymdanǵan kólikterdi sanap jatyrmyz», - dedi jedel qyzmet ókili.
Jergilikti aqparat quraldarynyń jazýynsha, ázirge ushaqtar ushyp jatyr. Biraq keıbir reıster baǵytyn ózgertken.
