Mäskeude kölık jarylyp, joǧary şendı general qaza tapty

1389
Adyrna.kz Telegram
https://adyrna.kz/content/uploads/2025/04/6cfcfb6a-9a83-4a63-9bd3-72af2437b8da-960x500.jpeg?token=a94db4678c58203b6900812b7481ea36

Mäskeu tübındegı Balaşihada qoldan jasalǧan jarylǧyş zattyŋ kömegımen kölık jarylǧan. Saldarynan Resei Qaruly küşterı Bas ştaby bas jedel basqarmasy bastyǧynyŋ orynbasary general-maior Iаroslav Moskalik qaza tapty, dep habarlaidy “Adyrna” ūlttyq portaly.

Reseilık Telegram arnalarynyŋ habarlauynşa, kölık gaz ballonynyŋ jabdyǧynyŋ qasyna ornatylǧan qoldan jasalǧan jarylǧyş zattyŋ kömegımen jarylǧan jäne general podezden şyqqan kezde qaşyqtan ıske qosylǧan. Jarylys sätı videoǧa tüsıp qalǧan.

Jarylǧan Volkswagen Golf osy jyldyŋ qaŋtar aiynyŋ soŋynan berı kem degende üş ret qaita satylǧan. Reseidıŋ Tergeu komitetı adam öltıru jäne jarylǧyş zattardyŋ zaŋsyz ainalymy faktısı boiynşa qylmystyq ıs qozǧady.

Reseilık BAQ-tyŋ habarlauynşa, qaitys bolǧan general-leitenant Moskalik 2015 jyly «Normandiia formaty» aiasynda Ukrainamen kelıssözderge qatysqan. Sonymen qatar Siriiadaǧy Resei Qaruly küşterınıŋ operasiiasyna qatysty taqyryptarda baiandamaşy bolǧan.

Odan bölek, Resei Bas ştabynyŋ qoǧamdyq tūlǧasy retınde Moskalik bırneşe ret Taiau Şyǧystaǧy jaǧdaiǧa qatysty BAQ-qa pıkır bıldırgen. Mysaly, 2021 jyldyŋ mausymynda ol AQŞ-ty Siriia aumaǧynda kürdterge zaŋsyz mūnai öndıruge kömektestı dep aiyptaǧan. Sol uaqytta ol Resei Bas ştabynyŋ ökılı retınde Qazaqstan astanasynda ötken Siriia boiynşa kezektı «Astana» kelıssözder raundyna qatysqan.

Aita ketsek, aqpan aiynda Mäskeudegı elitalyq tūrǧyn üi keşenındegı jarylys saldarynan «Arbat» batalonynyŋ negızın qalauşy Armen Sarkisian qaitys bolǧan edı. Aldyn ala mälımet boiynşa, ǧimarattyŋ kıreberısıne qoldan jasalǧan jarylǧyş zat qoiylǧan. Ol qaşyqtan basqarylyp, Sargsian zalda bolǧan kezde jarylǧan.

Armen Sarkisian Armeniiada düniege kelgen, bıraq jas kezınde Gorlovkaǧa köşken. 2022 jyldyŋ qyrküiegınde ol Donbass jabaiy diviziiasynyŋ qūramynda armian batalonyn qūru turaly habarlaǧan bolatyn. 2023 jyldyŋ jazynda batalon Resei Qorǧanys ministrlıgınıŋ qūramyna engen.

Būǧan deiın Mäskeude Riazanskii daŋǧylynda qoldan jasalǧan jarylǧyş zat jarylyp, ekı adam qaza tapqan edı. Qūrban bolǧandardyŋ bırı - Resei Qaruly Küşterınıŋ radiasiialyq, himiialyq jäne biologiialyq qorǧanys äskerlerınıŋ bastyǧy general-leitenant İgor Kirillov bolatyn.

Pıkırler