Astanada Dýman Erqanatqa «qyz zorlady» degen aıyp taǵylǵan bolatyn. Sot blogerdiń isine qatysty úkim shyǵardy, dep habarlaıdy "Adyrna" ulttyq portaly.
Qarjy saýatyn úıretetin tanymal treıder Dýman Erqanat 2023 jyldyń 13 qyrkúıeginde qyz zorlady degen aıyppen 5 jylǵa bas bostandyǵynan aıyryldy. Biraq aıyptalýshy sot sheshimmen kelispeı, apellıaııalyq sotqa shaǵymdanǵan. Onyń shaǵymy joǵarǵy sotqa jetip, úkim ózgerissiz qalǵan.
“QR Joǵary sotynyń qylmystyq ister jónindegi sot alqasy qaýly engizedi. Dýman Erqanatqa qatysty Almaty qalalyq sotynyń qylmystyq ister jónindegi sot alqasynyń 2024 jylǵy 23 qańtardaǵy aqtaý úkiminiń kúshi joıylsyn. Dýman Erqanatqa qatysty Almaty qalasy Bostandyq aýdanynyń nómiri 2-shi aýdandyq sotynyń 2023 jyldyń 13 qyrkúıegindegi aıyptaý úkimi ózgerissiz qaldyrylsyn. Dýman Erqanat dereý sot zalynan kúzetpen ustaýǵa alynsyn. Jazany óteý merzimi kúzetpen ustalǵan kúnnen bastap, 2024 jyldyń 18 maýsymynan bastap eseptelsin", – dedi Qylmystyq ister jónindegi sot alqasynyń tóraıymy Nazgúl Rahmettýllınanyń málimetinde.
Aıta keteıik, bloger "zorlandym" dep aıyptalǵan qyzdyń aqsha talap etkenin de jazǵan bolatyn.
