Qýandyq Bıshimbaevtyń anasy sot kezinde bas tartqan kompanııalaryn qaıtaryp aldy, dep habarlaıdy "Adyrna" ulttyq portaly Dalanews.kz saıtyna silteme jasap.
Bıshimbaevtyń anasy Álmıra Nurlybekova kompanııalaryn ózine qaıtara bastaǵan.
Redakııa málimetinshe, reestrlerdegi málimetterde 71 jastaǵy Álmıra Nurlybekova qaıtadan Sapa Logistics kompanııasynyń ıeleriniń biri atanǵan. Ol 2020 jyldan beri JShS quryltaıshylar quramynda bolǵan.
Biraq, 2024 jyly Saltanat Núkenovanyń ólimine qatysty is tergelgende kompanııadaǵy úlesin týysy Qarlyǵash Ádilovaǵa jazyp bergen kórinedi.
Resmı túrde Sapa Logistics - Bıshimbaevtarǵa tıesili eń iri kompanııa. Odan bólek, 14 naýryzda Bıshimbaevtyń anasy Ezy Park JShS quryltaıshylar tiziminen shyǵyp ketken. Saltanat Núkenova mert bolǵan BAU meıramhanasy osy kompanııaǵa da tıesili.
