Tarazda kólik kósheniń qaq ortasynda qazylǵan jylý magıstraliniń shuńqyryna túsip ketti. Bul týraly áleýmettik jelilerde vıdeo tarady, dep habarlaıdy “Adyrna” ulttyq portaly.
Aqparptqa sáıkes, oqıǵa jeksenbide Tóle bı kóshesinde bolǵan. Munda magıstraldyq jylý jelilerin qaıta jańǵyrtý jumystary júrgizilip jatyr. Vıdeoda jol talǵamaıtyn kóliktiń joldyń dál ortasynda qazylǵan úlken shuńqyrǵa túsip ketkeni kórsetilgen. Zardap shekkender bar, sonyń ishinde balalar bar.
Vıdeoda júrgizýshilerge qaýip týraly eskertetin birde-bir belgi joq ekeni aıtylady.
Oqıǵanyń mán-jaıyn Jambyl oblystyq Polıııa departamenti túsindirdi.
"16 maýsymda saǵat 17:50-de Tóle bı kóshesimen Abaı kóshesi baǵytynda Lexus RX300 kóliginiń júrgizýshisi "3.1 Kirýge tyıym salynady", "1.23 Jóndeý jumystary" jol belgilerin elemeı, joldyń jabyq bóligine ótip ketken. Magıstraldyq qubyr jóndelip jatqan jolda qorshalmaǵan shuńqyrǵa túsip ketken", - delingen habarlamada.
Apat saldarynan júrgizýshi, onyń áıeli jáne kámeletke tolmaǵan eki balasy zardap shekti. Olarǵa medıınalyq kómek kórsetildi. Polıeıler merdigerdiń ústinen qylmystyq is qozǵady. Tergeýge deıingi tekserý júrgizilip jatyr.
Qala ákimshiligi málimetinshe, buǵan deıin bul joldyń jabylatyny týraly aqparat áleýmettik jeliler men BAQ-ta taratylyp, arnaıy jol belgileri ornatylǵan.
