Májilis depýtaty Maqsat Tolyqbaı Parlamentten ketetini jaıly aqparat tarady, dep habarlaıdy "Adyrna" ulttyq portaly.
BAQ kózderinde Maqsat Tolyqbaıdyń depýtattyq kreslosyn Shymkent qalasy ákimdigine aýystyratyny aıtylýda.
Beıresmı derekterde Tolyqbaev Shymkent qalasy ákiminiń orynbasary bolyp taǵaıyndalatynyn habarlanyp jatyr.
Facebook belsendisi, shymkenttik bloger Oljas Mamyr jelidegi paraqshasynda:
"Shymkent qalasy ákiminiń jańa orynbasary Maqsat Tolyqbaı bolýǵa ábden laıyqty. Sebebi laıyqty sanaıtyndar kóp", - dep jazdy.
Al jýrnalıst Aqbópe Táńirbergen Instagram jelisine:
"Shymkent ákiminiń orynbasary - Maqsat Tolyqbaı. Áriptesimizge saıasatta aq jol tileımiz. Áıtpese sońǵy jyldary Shymkentte ákim bolǵan da, zam bolǵan da ońbady", - dep jazǵan.
Aıta keteıik, Maqsat Tolyqbaev Shyǵys Qazaqstan oblysynda dúnıege kelgen. Ol 2023 jyly "Amanat" partııasynyń atynan Májiliste depýtat boldy. Depýtattyqqa deıin ol televızııa salasynda jýrnalıst qyzmetin atqardy.
