Qazaqstannan týǵanyn izdegen belgııalyq Jánibektiń ákesi tabyldy, dep habarlaıdy "Adyrna" ulttyq portaly.
Sheteldikter asyrap alǵan qazaq balasy Eýropadan týǵan anasyn izdep keldi. Jýrnalıst Qymbat Dosjan Jánibektiń anasy emes, ázirge týǵan ákesi tabylǵanyn aıtty. Alaıda týystary DNQ tapsyrýdan bas tartqan.
"Sońǵy ýaqytta biz únsiz júrgenimizge qarap ashylǵan qylmystyq isti toqtatyp tastady dep oılamańyzdar. Zertteý jumysy bir sátke de toqtaǵan joq. Keshe men Arqalyq qalasynyń polıııa qyzmetkeri Saıat Islamovpen birge Qaraǵandy qalasyna baryp keldim. Zertteý barysynda Jánibektiń ákesi bolýy múmkin degen er adam anyqtaldy. Ókinishtisi, ol kisi ómirden ótken bolyp shyqty. Sondyqtan marqumnyń jaqyndary men et jaqyn adamdarymen sóılesý úshin polıııa qyzmetkerine erip, ózim arnaıy barǵan edim, biraq týystary sózimizge, ótinishimizge qulaq aspady. DNQ testine qan tapsyrýdan bas tartty", - deıdi Qymbat Dosjan.
Al redakııaǵa anonımdi túrde Jánibektiń týǵan ákesimen birge jumys istegen azamat habarlasqan kórinedi. Ol marqum áriptesiniń Jánibektiń týǵan ákesinen aýmaı qalǵanyn aıtqan.
"Bizge qońyraý shalǵan anonım marqumnyń sóılegen sózi, júris turysy Jánibekten aýmaıtyn edi, biz birneshe jyl birge jumys istedik» dedi. Tipti, marqumnyń jas kezindegi sýretke qarap, biz de Jánibek balamyzdy kórgendeı boldyq. Amal qansha, marqumnyń týystary taǵy da oılanyp, oń sheshim qabyldaıdy dep kútemiz. Jánibek «Eger osy áýlettiń balasy bolyp shyqsam, olardyń aqshasyna nemese dúnıe múlkine talasym joq dep qolhat berýge daıyn ekenin aıtty", - deıdi Qymbat Dosjan.
Alaıda Jánibekti sheteldikterge satqan áıel adamnyń isi sotqa jiberilmegeni anyqtaldy. Kelinshek 2004 jyly Arqalyqtaǵy balalar úıindegi balany belgııalyq áıelge saýdalaǵan,
"Jánibekti asyrap alǵan anasy Valerı 2004 jyly Arqalyqtan bala asyrap alarda bir áıel kisige 12 myń dollar bergenin aıtty. Ony Jánibekke bergen suhbatynan da kórdińizder. Ol suhbattyń túpnusqasy bizdiń qolymyzda. Aqsha alǵan áıeldiń kim ekenin, onyń 2004 jyldary qaıda jumys istegenin, qazir qaıda isteıtininiń bárin bilip otyrmyz. Tipti, sońǵy ret 2020 jyly Valerı ekeýiniń hat almasqanyn da taptyq. Ol hatta “Jánibektiń jaǵdaıy qalaı?” dep suraǵan. Biraq is áli sotqa jetpeı tur. Sońyna deıin jetkizip, shyndyqty ashamyz dep senemin", - deıdi jýrnalıst.
