Áıelin aıaýsyz óltirdi dep aıyptalyp, 24 jylǵa sottalǵan eks-mınıstr Qýandyq Bıshimbaevtyń isin qaraǵan sýdıa Aıjan Qulbaeva ózine qarsy qorqytýlardan keıin qorǵaýǵa alynǵan. Qaýipsizdik sharasy áli de kúshinde. Bul týraly Joǵarǵy sottyń qylmystyq ister jónindegi sot alqasynyń tóraǵasy Nazgúl Rehmetýllına aıtty,dep habarlaıdy “Adyrna” ulttyq portaly.
Májilis kýlýarynda jýrnalıster Rahmetýllınadan "sýdıa Aıjan Qulbaeva áli qorǵaýda ma" dep surady.
"Umytpasam, sol kezde qaýipsizdik sharasy áli kúshinde ekeni jarııalanǵan bolatyn", - dedi sot alqasynyń tóraǵasy.
Aıta keteıik, buǵan deıin Bıshimbaev isi boıynsha sýdıany belgisiz bireýler qorqytqany jáne ol qaýipsizdik sharalarymen qamtamasyz etilgeni habarlandy.
Qylmystyq kodekstiń 407-babynyń 1-bóligi ("Sot tóreligin júzege asyrýǵa kedergi jasaý maqsatynda sottyń qyzmetine aralasý") boıynsha sotaldy Is júrgizý bastalǵany aıtyldy. Sýdıa, jeke qaýipsizdik sharalarymen qamtamasyz etilgen.
