Qazaqstan parlamentinde qoǵamdyq oryndarda dinı kıim kııýge tyıym salý máselesi qaralýy múmkin. Bul týraly Májilis depýtaty Ermurat Bapı aıtty, dep habarlaıdy “Adyrna” ulttyq portaly Tengrinews.kz-ke silteme jasap.
Májilismenniń aıtýynsha, qoǵamda dinı kıim kııýge tyıym salý máselesi ózekti bolyp otyr.
«Endi biz úshin eń mańyzdy másele – elimizdiń ulttyq múddesin, ulttyq salt-dástúrdi, ulttyq mádenıetti saqtaý, al qazirgi jaǵdaıdy qarasańyz, bul jaǵdaı bizdiń bolashaǵymyzǵa úlken zııanyn tıgizedi», - dedi májilismen.
Depýtattyń aıtýynsha, tıisti zań jobasy aldaǵy sessııada Parlamentke engiziletin bolady.
«Sondyqtan biz, bir top depýtattar, Parlamenttiń kúzgi sessııasynda osyndaı zań jobasyn daıyndadyq, ol qabyldanǵannan keıin qoǵamdaǵy hıdjab, nıkab jáne basqa da dinı kıimder máselesi sheshiledi dep oılaımyn. Sonda biz dinı kıim máselesin qalaı da retteıtin shyǵarmyz», - dep túıindedi ol.
