Áleýmettik jelide Shymkent turǵyny «Dilmurat ahıge» jáne onyń ýaǵyzdaryn tyńdap ómirde adasyp qalǵan áıelderge úndeý jarııalady, dep habarlaıdy “Adyrna” ulttyq portaly.
«Ózimniń jáne balalarymnyń qaýipsizdigi úshin atymdy aıta almaımyn. Men Shymkent qalasynyń turǵynymyn. Namaz oqýdy bastap, onyń aqyl-keńesin tyńdap, destrýktıvti aǵymnyń jigitine úılendim (Dilmurat ahı – Á.R.). Men sizdi tyńdap júrgen sáláf jigitke turmysqa shyqtym, ol ózin seniń shákirtiń dep atady. Kóp uzamaı ol taǵy bir sáláfti óziniń aǵasy sanap, meni oǵan zat retinde berdi. Sodan keıin obekt retinde bul ekinshisi meni úshinshige, úshinshi tórtinshige jalǵap kete berdi. Ár nekeden bala týdym», – deıdi ol.
Vıdeo avtory Dilmurattyń sózin tyńdaǵan kóptegen qyz-kelinshekterdiń birneshe ret turmysqa shyǵýǵa májbúr bolǵanyn aıtty. Sonyń saldarynan balalar tiri jetim, kúıeýsiz kóshede qalyp otyr.
«Bir sáláfqa baryp, “buǵan kim kináli” dep suraq qoısań, “taǵdyr ǵoı, sabyr saqta” deısizder. Qaıdaǵy taǵdyr? Kerisinshe, taǵdyr emes, kerisinshe buǵan sizderdiń istep jatqan qatelikterińiz, nadandyqtaryńyz kináli.
Siz bizge ımamdardy tyńdamańyz dep otyrsyz. Imamdar adasyp ketti deısiz. Demek, olar emes, siz adasqandarsyz. Shet elge qashyp júrgen sensiń, elge iritki salyp jatqan sensiń, qazaq qyzdaryn, áıelderin týra joldan taıdyryp, shúberekke túıip, keıin laqtyryp jatqan sensiń. Qyzdarǵa ótinishim: Sáláf aǵaıyndardyń aldap-arbaýyna, azǵyrýyna kónbeńder. Olarǵa úılenbe. Jumaq qaqpasy ananyń tabanynyń astynda. Meniń kóz jasym men balalarymnyń kóz jasy úshin o dúnıede sen jaýaptysyń, Dilmurat. Ózge qyzdardyń kóz jasyna sen jaýaptysyń», – deıdi áıel.
