Qazaqstan Prezıdenti Qasym-Jomart Koreıa Respýblıkasynyń Prezıdenti Iýn Sok Ioldy qabyldady, dep habarlaıdy “Adyrna” ulttyq portaly Aqordanyń baspasóz qyzmetine siltep.
«Aqordada Qazaqstanǵa memlekettik saparmen kelgen Koreıa Respýblıkasynyń Prezıdenti Iýn Sok Ioldy saltanatty túrde qarsy alý rásimi ótti», - delingen sársenbi kúni taratqan habarlamada.
Qasym-Jomart Toqaev pen Iýn Sok Iol resmı delegaııa múshelerin bir-birimen tanystyrdy. Qurmet qaraýyl rotasynyń basshysy prezıdentterge quttyqtaý baıandamasyn berip, eki eldiń ánurany shyrqaldy.
Saltanatty rásim aıaqtalǵannan keıin memleket basshylary kelissózder zalyna kirdi.
Eki el delegaııalarynyń qatysýymen ótken kelissóz barysynda Memleket basshysy Qasym-Jomart Toqaev Prezıdent Iýn Sok Ioldiń Qazaqstanǵa jasaǵan alǵashqy memlekettik saparyn tarıhı oqıǵa dep baǵalady. Sondaı-aq búgingi kelissózder qazaq-koreı yqpaldastyǵynyń aıasyn keńeıtip, ekijaqty baılanysty jańa beleske kóteretinin aıtty.
Qazaqstan Prezıdentiniń pikirinshe, Ońtústik Koreıa jahandyq aýqymdaǵy naǵyz ekonomıkalyq jáne tehnologııalyq lokomotıvke aınaldy. Al álemge áıgili koreı korporaııalary halyqaralyq arenada eldiń «negizgi jahandyq memleket» retindegi pozıııasyn ilgeriletýge eleýli úles qosyp keledi.
Budan bólek, taraptar mádenı-gýmanıtarlyq baılanystardy damytý máselesine nazar aýdardy.
“Qazaqstanda turatyn 120 myń etnıkalyq koreı ultynyń ókilderi eki el arasyndaǵy qatynastardy nyǵaıtýda mańyzdy ról atqarady jáne oǵan ólsheýsiz úles qosady. Óz kezeginde Koreıada bilim alyp jatqan myńnan astam qazaqstandyq jastar memleketter arasyndaǵy «dostyqtyń altyn kópiri» sanalady”, – dedi Qasym-Jomart Toqaev.
