Aqtóbe turǵyny bir aı boıy medbıkeniń izinen qalmaı ańdyp, jumysyna kelgen. Oqıǵa Aqtóbeniń «Bolashaq» aýdanyndaǵy Otbasylyq medıına ortalyǵynda bolǵan.
22 mamyr kúni jigit emhana kelip, medbıke bólmesiniń esigin syndyrǵan. Artynsha ol Bıshimbaevtyń Saltanatqa jasaǵanyndaı aýyr qylmys isteıtinin aıtqan.
«Biz kabınette úsheýmiz jumys isteımiz. Saǵat 10 shamasynda qolynda sıren gúli bar bir jigit kirip keldi. Biz ony naýqas dep oıladyq, sóıtsek meni bir aı boıy ańdyp júrgen jigit eken. Osy ýaqytqa deıin ol maǵan habarlasyp, qorqytqan bolatyn. Sońǵy ret biz qyzdarmen ony fýtbol alańynda kórgen edik. Ol sáýir aıy bolatyn. Sodan bastap ol jigit meniń sońymnan qalmady. Bir kúni esigimniń aldyna kelip turǵanyn jáne meni kútetinin aıtty. Instagram paraqshama deıin jazatyn. Men oǵan jigitimniń baryn aıtyp, polıııaǵa aryz jazdym. Endi sol jigit meniń jumysyma kelip, aıǵaı shyǵardy. Kezdesip júrgen jigitim túrmede otyrǵanyn jáne ol da maǵan Bıshimbaev sekildi jasaıtynyn, men de ekinshi Saltanat bolatynymdy aıtty», - deıdi óz ómiri úshin alańdaǵan 22 jastaǵy Amangúl.
