Qazaqstanda «Atletıko Madrıd» fýtbol akademııasy ashylady, dep habarlaıdy “Adyrna” ulttyq portaly Qazaqparatqa siltep.
Memleket basshysy «Atletıko Madrıd» fýtbol klýbynyń prezıdenti Enrıke Sereso Torresti qabyldady.
Prezıdent Qasym-Jomart Toqaev ıspanııalyq klýbtyń fýtbol álemindegi bedeli zor ekenin atap, Enrıke Sereso Torreske Qazaqstanda atalmysh sportty damytýǵa kóńil bólgeni úshin alǵys bildirdi.
Qasym-Jomart Toqaev fýtboldy damytýǵa baǵyttalǵan bul bastamaǵa memleket jan-jaqty qoldaý kórsetýge daıyn ekenin de aıtty.
Enrıke Sereso Torres «Atletıko Madrıd» fýtbol akademııasy álemniń kóptegen elinde ashylǵanyn jetkizdi.
Al elimizde klýbtyń fýtbol akademııasy Almaty oblysy Talǵar qalasyndaǵy «Akbulak» olımpıada ortalyǵynyń bazasynda qurylmaq.
Jıyn sońynda Enrıke Sereso Torres Prezıdent Qasym-Jomart Toqaevqa «Atletıko Madrıd» oıynshylarynyń qoltańbasy qoıylǵan jeıde syılady.
