Germanııada sýdıa iz-túzsiz joǵalyp ketken bolatyn. Joǵalǵan qazaq qyzy týraly onyń aǵasy tyń derek tapty.
“Qaryndasym joǵalyp ketkennen keıin men onyń qurbylarymen tildesip, qaryndasymnyń qalaı qınalǵanyn, kúıeýi oǵan túrli fızıkalyq jáne psıhologııalyq qysymǵa kórsetkenin estidim. Kúıeýiniń týystary, ásirese enesi kún bermegen kórinedi. Gematomalary, soqqy alyp, denesi kógergen, syrylǵan, qulaqtary isingen fotolary bar. Sońǵy aıda ol vıdeoqońyraýǵa shyqpady”, – dedi Aıgúl Saılybaevanyń aǵasy Qanat Saılybaev.
Qazaqstandyq Aıgúl Saılybaeva 2020 jyly kúıeýimen birge elden ketken edi. Olar ártúrli elderde turǵan, sońǵysy – Germanııanyń Benshaım qalasy bolǵany anyqtaldy. Áıeldiń kúıeýi quqyq qorǵaý organdaryna olardyń naqty turǵylyqty mekenjaıyn aıtqysy kelmegen eken.
Sondaı-aq áıeldiń týystarymen sońǵy ret 3 maýsymda habarlasqany belgili boldy.
“Jergilikti polıııa qyzmetkerlerimen áńgimelesip, olar muqııat izdeıtinderin aıtty. Soǵan qaramastan Berlındegi bas konsýldyǵymyz ben elshiligimiz bul máseleni erekshe baqylaýda ustaý úshin Germanııanyń syrtqy ister mınıstrligine tıisti úndeý joldady. Qazir nemis tarapymen birlese otyryp, Qazaqstandaǵy týystaryna vıza alý máselesin pysyqtap jatyrmyz”, – dep málimdedi SIM resmı ókili Aıbek Smadııarov.
