Aýǵan qazaqtary týraly derekti fılm shyqty, dep habarlaıdy "Adyrna" ulttyq portaly.
Bul týraly "Jalǵyz jolaýshy" ıýtýb-arnasyndaǵy arnaıy materıalda baıandalǵan.
Búginde Aýǵanstanda úsh júzdiń qazaqtary bar. Júrgizýshi Sanat Ilııas Aýǵanstanǵa arnaıy saparlatyp, qazaq aýylyna barǵan. Ondaǵy qazaqtardyń býyny óz ultyn, tilin umyta bastaǵan. Mektepte bilim almaı, saqal ósirip, tezek terip, jamalǵan kıiz úıde ómir súrgen qandastardyń turmys-tirshiligi tómen ekenin baıqaýǵa bolady.
"Men Aýǵanstandamyn. Bul elde úsh júzdiń de qazaqtary bar eken. Olardyń basym bóligi tilin umytpaǵan. Talıban bıleıtin memlekette dombyra shertýge bolmaıdy. Al ondaǵy qazaqtardyń jaǵdaıy tipti aýyr. Jaryq, sý, jylý joq", - dep jazdy Sanat Ilııas.
Aýǵanstandaǵy qazaqtardyń biri "Saqal ósirmesek, namaz oqymasaq, bizdi urady" dep pikir bildirgen. Tabyn rýynan shyqqan qazaq balasy "Quran oqımyn, mektepke barmadym. Mektep joq bizde" deıdi.
"Sút joq, sıyrlar ashtyqtan týmady. Et jemeımiz. Shópter quryp qalǵan. Jeıtin nárse joq. Toǵaıdaǵy jyńǵyldy jeıdi. Soǵystan aman qaldyq. Biraq aıaǵyna oq tıgen. Ákemiz, týysqandarymyzdy atyp ketken", - deıdi Aıdana esimdi ájeı.
