Qazaqstannnyń eks-prezıdenti Nursultan Nazarbaevtyń kenje qyzy Álııa Nazarbaeva qazaqstandyq kásipkerler Nurlan Bımýrzın men Medǵat Qalıevke qarsy sotta jeńilip qaldy. Bul týraly QazTAG jarııalady, dep habarlaıdy “Adyrna” ulttyq portaly.
Nurlan Bımýrzınnyń aıtýynsha, Nazarbaeva advokattary arqyly Bımýrzın men Qalıevtiń ústinen jala jabý týraly shaǵym túsirip, olardyń jaýapqa tartylýyn talap etti. Alaıda ótken aptada sot quqyq buzýshylyq belgileriniń bolmaýyna baılanysty isti toqtatqan.
Aqpan aıynda Medǵat Qalıev pen Nurlan Bımýrzın Bas prokýratýraǵa Álııa Nazarbaevany reıderlik shabýyl jasady dep aıyptap aryz jazǵan.
«Bizdi qoldaǵan barlyq janashyr azamattarǵa alǵysymdy bildirgim keledi. Aty úlken bolsa da, zańdy da ádil sheshim shyǵarǵan sot júıesine erekshe alǵysymdy bildiremin. Tórt aı boıy bir quzyrly organnan ekinshi organǵa joldanǵan aryzymyz ádil nátıjege ákelmeıdi dep oıladyq. Alaıda, Qazaqstan Respýblıkasynyń Joǵarǵy Soty ótkenniń jádigerlerin emes, zańdy basshylyqqa alatynyn dáleldedi. Qazaqstan Respýblıkasy Ishki ister mınıstrligi olarǵa proessýaldyq sheshim qabyldaý úshin joldanǵan ótinishimizdi qaraıdy dep úmittenemiz», – dedi Bımýrzın.
Eske sala keteıik, 2024 jyly 28 aqpanda Bımýrzın óziniń seriktesi Qalıevpen birge Nazarbaeva men Rogovanyń reıderlik shabýylynyń qurbany bolǵanyn aıtqan bolatyn. Keıin mamyr aıyndaolar halyqaralyq organdarǵa shaǵymdanatynyn aıtty.
