4 maýsym kúni Qazaqstan jazýshylar kitaphanasynda jazýshy, aýdarmashy, «Daraboz» ádebı syılyǵynyń bas júldegeri Ábdildabek Salyqbaıdyń «Narkesken» atty tarıhı kitabynyń tusaýkeseri ótti.
Rámizder merekesimen tuspa-tus kelgen is-sharaǵa belgili aqyn, Qazaqstan Jazýshylar odaǵy basqarmasy tóraǵasynyń orynbasary Baýyrjan Jaqyp, «Juldyz» jýrnalynyń jaýapty hatshysy Nurlan Qamı,"Atamura" korporaııasynyń Prezıdenti Raqymǵalı Qul- Muhammed, Qazaqstan Jazýshylar odaǵy Proza keńesiniń tóraǵasy Qýandyq Túmenbaı, Qazaqstan Jazýshylar odaǵy Balalar ádebıeti kenesiniń tóraǵasy Nurdáýlet Aqysh, Halyqaralyq «Alash» ádebı syılyǵynyń ıegeri, Tarbaǵataı aýdanynyń Qurmetti azamaty Ábýbákir Qaıran, aıtysker aqyn, mádenıet qaıratkeri Serik Qalıev jáne "Adyrna" ulttyq etnografııalyq birlestiginiń jetekshisi Arman Áýbákir qatysty.
Sonymen qatar, Respýblıkalyq Almatydagy Nº156 jalpy bilim beretin mekteptiń qazaq tili men ádebıeti pániniń muǵalimiAızat Raqysheva, Astanadaǵy J.Táshenov atyndaǵy Nº10 mektep-gımnazııanyń dırektory Baqytjan Orynbaev, kitaphana isiniń úzdigi Elena Jamelqyzy, Isabekov Estııar Dýlatuly jáne BAQ ókilderi: «Qazaq gazetteri» JShS tóraǵasynyń orynbasary Dýman Anash, «Ana tili», «Almaty aqshamy» gazet tilshileri men belgili qoǵam qaıratkerleri, qalamgerler men aqyn shyǵarmashylyǵynyń shynaıy oqyrmandary qatysty.
Kesh tizginin ustaǵan – jazýshy, “Badyrǵan” jýrnalynyń bas redaktorynyń orynbasary Serik Nuǵyman.
Jıynda alǵash bolyp sóz algan Baýyrjan Jaqyp kesh ıesiniń shyǵarmashylyǵyna toqtalyp tilegin arnady. Nurlan Qamı avtordyń "Narkesken" hıkaıattar jınaǵyna baıandama jasady.
Odan keıin sóz alǵan Raqymǵalı Qul-Muhammed Ábdildabek Salyqbaıǵa "Narkesken" kitabyn shyǵarýdy ózi usynǵandyǵyn atap ótti.
"Ábdildabektiń zertteýleri jazylǵan shynaıy oqıǵalardy keltirip, kórnekti jaza bilgeni jáne basty keıipker qazaq jeriniń tórtten birin saqtap qalǵan alashtyń asyl eri Jumabek Táshenovtyń eren erligin sýretten baıandap bergeni men Jumabekteı tulǵanyń tolyq kelbetin sózben jazyp asha bilgenin keıingi urpaq tanyp bilý kerek, dep kitap shyǵarýǵa qolqa salǵan ózim edim. Alashtyń Jumabekteı qaısar batyl arysynyń bolmysyn tanyp, oqyp bilgen osy urpaq úlgi ónege alyp, el men jer qadirin uǵynatyn urpaq bolary anyq”, dep jazýshy sheberligine tánti bolǵandyǵyn aıta ketti.
Jıyn barysynda okyrmandar Jánibek Kenjebek pen Eńlik Muhtar «Narkesken» hıkaıatynan úzindiler oqydy.
Qazaqtyń 5 oblysyn Reseıge qosyp alýdy kózdegen N.S.Hrýevqa qarsy shyǵyp, "KSRO konstıtýııasyna sáıkes, ár ult respýblıkasy óziniń tarıhı jerinde, óz tabıǵı baılyǵyn óz menshiginde paıdalanýǵa haqy bar. Bul zańmen de sanaspaıtyn bolsańyz, biz halyqaralyq sotqa shaǵym berýden de taıynbaımyz", dep, “maǵan keregi laýazym emes, qazaq halqynyń birligi men jeriniń tutastyǵy. Ol armanyma jettim. Elim, jerim ornynda" degen taý tulǵaly azamat Jumabek Táshenov osylaısha, Qazaqstan jeriniń halyq menshiginde qalýyna jol ashty.
Elimizdiń jer kólemi boıynsha alatyn 9 oryny, egemendigimiz ben Táýelsizdigimizge arqaý bolǵan azamattar erligi men bekem ustanymdaryn árbir Qazaq balasy bilip oqýy qajet.
Nazılııa Abdýrahım
