4 maýsym Astanada «Sustainable TrendsForum Kazakhstan» (Qazaqstandyq turaqty trendter forýmy) ótti. Onda kompanııa saıasaty men memlekettik basqarýǵa ESG qaǵıdattaryn engizý taqyryby talqylandy.
Forým turaqty damýdyń mańyzdy jáne ózekti taqyryby boıynsha dıalog pen pikir almasý úshin jetekshi qazaqstandyq sarapshylardy, kásipkerlerdi, úkimet ókilderi men qoǵamdyq uıymdardy jınady.
Paneldik sessııanyń ashylý spıkeri «Atameken» UKP Tóralqa tóraǵasy Raıymbek Batalov boldy. Ol óz sózin qorshaǵan ortany qorǵaýǵa qatysýshylardy kele jatqan kásibı merekelerimen quttyqtaýdan bastady (5 maýsym).
«Álemdik ekonomıka turaqty damýǵa bet burýda. Qazaqstan osy úderistermen tyǵyz baılanysty jáne qalyptasqan úrdisterdi ustanyp keledi.
Biz turaqty damý maqsattaryna qol jetkizý jáne tıisti tehnologııalardy engizý máseleleri klımattyq kún tártibinen áldeqashan asyp ketkenin túsinemiz. Qazirdiń ózinde olar ınvestıııa jáne halyqaralyq saýda, memleketterdiń, qalalardyń ekonomıkalarynyń qurylymyn keshendi qaıta qurý jáne óńirlik damý máselelerimen tyǵyz baılanysty», - dedi Raıymbek Batalov.
Palata tóraǵasy bul máselelerdi sheshý úshin memleket pen bıznes kúsh biriktirýi kerek ekenine senim bildirdi.
Aıta keteıik, «Atameken» UKP bazasynda ótken jyldyń kúzinen beri turaqty damý jáne ESG Keńesi jumys isteıdi. Iýlııa Iakýpbaeva tóraǵalyq etetin 70-ten astam negizgi ekonomıkalyq sarapshylardan turatyn keńes turaqty qarjylandyrý, memlekettik qoldaý, aınalmaly ekonomıka máselelerimen jumys isteýde.
Óz sózinde Raıymbek Batalov keńesti Parlamentpen jáne Úkimetpen birlese jumys isteıtin (biriktirilgen) organ etýdi usyndy.
«Turaqty damý tek qana iri bıznestiń máselesi emes, bul barlyǵyna áser etetin ulttyq basymdyq», - dep aıtty spıker.
«Biz klımattyq kún tártibindegi jáne saýda seriktesterimizdiń turaqty menedjmenti boıynsha negizgi ózgeristerdiń qarsańynda turmyz. Biz urpaq teorııasynyń tutynýdan resýrstardy únemdeýge baǵyttalǵanyn kórip otyrmyz. Biz Qazaqstanda jaýapty bıznes tobynyń qalyptasyp jatqanyna qýanyshtymyz, sondaı-aq tabysty isterdi atap ótýge jáne qaıtalaýǵa, jeli qurýǵa jáne ekonomıkanyń jańa sektorlarynyń qalyptasýyna yqpal etýge daıynbyz. Bul úderisterde «Atameken» UKP janyndaǵy turaqty damý jónindegi Keńes jáne ESG mańyzdy ról atqarady», - dedi Keńes tóraǵasy Iýlııa Iakýpbaeva.
Sonymen qatar, forým aıasynda «Atameken» UKP tóraǵasy Qazaqstanda qazirdiń ózinde ESG baǵytyna ınvestıııa salyp, osy ınvestıııalardy qaıtara alǵan jeke kásiporyndar bar ekenin jetkizdi.
«Model negizinen bırjalyq taýarǵa uqsas. Ulttyq palata barlyq qazaqstandyq jáne halyqaralyq bıznes ókilderine ekonomıkamyzǵa, óńirlerimizge jáne qorshaǵan ortaǵa ınvestıııa salýǵa múmkindikter ashady. Bul óte mańyzdy másele», - dedi Raıymbek Batalov.
Jalpy, forýmǵa qatysýshylar energetıkalyq qaýipsizdiktiń ózektiligi, korporatıvtik jaýapkershiliktiń artýy jáne ekologııalyq máselelerge nazardyń artýy aıasynda ESG-ge qatysty máseleler budan bylaı nazardan tys qalmaıdy degen pikir bildirdi.
Sondyqtan da barlyq deńgeıdegi kásiporyndar men memlekettik organdardyń ýaqytyn tıimdi paıdalanyp, model men onyń artyqshylyqtary týraly habardarlyǵyn arttyrý mańyzdy. Onyń ústine, jaqyn bolashaqta model tek synaq nemese trend emes, sonymen birge mańyzdy retteýshi quralbolýy múmkin. Bul úderiste «Atameken» UKP janyndaǵy Turaqty damý jáne ESG jónindegi keńes mańyzdy ról atqara alady.
