Qasym-Jomart Toqaev jınalǵan jurtshylyqty Memlekettik rámizder kúnimen quttyqtap, bıikti baǵyndrǵan azamattarymyzdy maqtan etenini aıtty.
"Osy merekege oraı biz jańa ǵana elimizdiń bas baıraǵyn kóterdik. Kók týymyz árdaıym bıikte jelbireı bersin! Týymyzdy tik ustaý – ár azamattyń perzenttik paryzy. Aspan tústes kók baıraǵymyz – bizdiń maqtanyshymyz. Sportshylarymyz týymyzdy talaı ret jeńis tuǵyryna kóterdi. Jaqynda qazaqtyń qaısar qyzdary Everestke shyqty. Týymyz álemniń eń bıik shyńynda taǵy da jelbiredi. Alda Olımpıada oıyndary kele jatyr. Namysty órenderimiz Parıj tórinde týymyzdy tik ustaıdy dep senemin", – dedi Prezıdent.
Memleket basshysy baıraqty táýelsizdiktiń tumary ári yntymaqtastyń bastaýy dep atady.
"Batyr babalarymyz el taǵdyry synǵa túsken sátte bir týdyń túbinen tabylǵan. Birligin bekem ustaǵan, eli men jerin qorǵaǵan. Baıtaq dalany kóziniń qarashyǵyndaı saqtap, urpaǵyna mıras etken. Sol amanatqa adal bolý – urpaqtyń uly muraty", – dedi Qasym-Jomart Toqaev.
