Bıýro málimetinshe, ótken jyldyń qorytyndysy boıynsha Qazaqstanda ortasha jalaqy kólemi 364 295 teńgeni quraǵan. 2023 jylǵy kórsetkish aldyńǵy jylmen salystyrǵanda 17,6%-ǵa artyq ekeni anyqtalyp otyr.
Aıta keteıik, 2024 jylǵy 1 qańtardan bastap eń tómengi jalaqy 85 000 teńge mólsherinde belgilengen bolatyn.
Al 2023 jyly óńirlik bóliniste eń joǵarǵy ortasha aılyq jalaqy - Atyraý oblysynda. Bul aımaqta azamattardyń eń joǵarǵy jalaqysy - 607 635 teńge. Jalaqysy joǵary óńirler qatarynda ekinshi orynǵa Mańǵystaý oblysy jaıǵasqan. Munda aılyq mólsheri – 535 156 teńge. Al Ulytaý oblysynda joǵarǵy jalaqy 483 812 teńgeni qurap, Qazaqstan boıynsha úshtikke engen.
Eń tómengi jalaqy alatyn óńirler qatarynda 4 oblys bar. Bıýro dereginde, Soltústik Qazaqstan oblysynda halyqtyń eń tómengi jalaqysy - 262 248 teńge dep kórsetilgen. Jambyl oblysynda – 269 125 teńge, Jetisý oblysynda – 269 378 teńge, Túrkistan oblysynda – 270 660 teńge qurap tur.
"Salalyq qurylymda eń joǵary ataýly jalaqy taý-ken óndirý ónerkásibinde jáne karerlerdi qazýda –ortasha respýblıkalyq deńgeıden 2,1 ese joǵary, qarjy jáne saqtandyrý qyzmetinde – 1,9 ese, aqparat jáne baılanys salasynda – tıisinshe 1,6 ese", delingen Ulttyq bıýro esebinde.
