«Jetisý» fýtbol klýbynyń dırektory Qalmuhamet Dóńsebaev ustaldy, dep habarlaıdy “Adyrna” ulttyq portaly.
«Jetisý oblysy boıynsha mamandandyrylǵan aýdanaralyq tergeý sotynyń habarlaýynsha, sot sheshimimen D-ny 2 aı merzimge qamaýda ustaý bultartpas sharasy sankııalanǵan. Sot úkimi zańdy kúshine engen joq», — dep 2 maýsym kúni túsinikteme berdi Jetisý oblystyq sotynyń baspasóz qyzmeti.
Taldyqorǵan fýtbol komandasy jetekshisiniń ustalý sebebi aıtylmady.
Buǵan deıin birqatar BAQ «Jetisý» fýtbol klýbynyń dırektory men osy attas áýe kompanııasynyń basshysy Qalmuhamet Dóńsebaevtyń ustalǵany týraly aqparat taratqan bolatyn.
Áleýmettik jelide taraǵan keıbir beıresmı málimetterde Qalmuhamet Dóńsebaevty antıkor ustaǵany jáne ol asa iri kólemde qarjy jymqyrdy dep kúdikke ilingeni aıtylady.
