Astanada LRT qurylys alańyndaǵy jumysshylardyń qaýipsizdik erejelerin óreskel buzǵany anyqtaldy. Qytaılyq kompanııa qatań sógis aldy, dep habarlaıdy "Adyrna" ulttyq portaly.
Bir kún buryn jelide jumysshylardyń temir blokty bos joldyń ústinen kabeldermen tasymaldap jatqanyn kórsetetin vıdeo tarady. Bul jaǵdaıǵa qatysty Astana qalalyq kólik basqarmasy túsinikteme berdi. Basqarma málimetinshe, qaýipsizdik erejelerin óreskel buzǵany úshin kompanııanyń eki basshysy qyzmetinen shettetilgen.
"Uly Dala dańǵyly men Qabanbaı batyr dańǵylynyń qıylysynda basqalardyń qaýipsizdigine qaýip tóndiretin LRT qurylys alańynda merdigerdiń qaýipsizdik erejelerin óreskel buzýy tirkeldi. Metall arka qurylysyna CTS kompanııasy ruqsat bermedi, osyǵan baılanysty ýaqytsha toqtatyldy", – delingen habarlamada.
LRT qurylysymen aınalysyp jatqan qytaılyq CTS kompanııasy joba jetekshisi men qaýipsizdik jónindegi basshysy qaýipsizdik erejelerin óreskel buzǵany úshin qyzmetinen shettetilgenin málim etti. Al jobanyń bas ınjenerine tehnıkalyq qadaǵalaýmen durys baqylaý júrgizbegeni úshin qatań sógis berilgen.
"Bolashaqta bloktardy áýe kóligimen tasymaldaý jumystary keshki ýaqytta eki saǵatqa deıin qozǵalysty tolyq shekteýdi uıymdastyrý aıasynda júrgiziledi", – dep sendirdi kompanııa.
