27 mamyrda Almaty qalasynyń Týrızm basqarmasy Bolat Ótemuratov qorymen birlesip, Autism Friendly bastamasy sheńberinde Almaty halyqaralyq áýejaıynyń 300 qyzmetkerine aýtızm spektri buzylǵan (ASB) jolaýshylarmen ózara is-qımyl daǵdylaryna oqytý júrgizedi. Bul halyqaralyq bastamanyń negizgi maqsaty-qalalyq keńistikter men mekemelerdi ASB - bar adamdar úshin qaýipsiz jáne qoljetimdi etý. Tıisti úshjaqty memorandýmǵa Qor, Almaty halyqaralyq áýejaıy jáne Almaty qalasy Týrızm basqarmasy arasynda qol qoıyldy.
Áýejaıdyń jerústi qyzmetiniń qyzmetkerleri erekshe tásilge muqtaj jolaýshylarmen tıimdi qarym-qatynas jasaý daǵdylaryn damytýǵa baǵyttalǵan dáristerdi jáne tájirıbelik sabaqtardy qamtıtyn úsh kúndik oqytýdan ótedi.
Oqý kýrsy áýejaı qyzmetkerlerine erekshe qajettilikteri bar jolaýshylardy anyqtaýǵa jáne ǵımarattyń kireberisinen bastap, áýe kemesiniń bortyna otyrǵanǵa deıin tirkeý jáne tekserý úderisterden ótýden bastap olardyń áýejaıda jaıly bolýy úshin jaǵdaı jasaýǵa múmkindik beredi.
"Autism Friendly" jobasynyń negizgi maqsaty —ASB- kelýshilerine qyzmet kórsetýge jáne áýejaı qyzmetkerleriniń ózara áreketine habardarlyqty arttyrý jáne tájirıbelik daıarlaý esebinen aýtızmi bar adamdar úshin qolaıly jáne jaıly orta qurý. Aýtıst adamǵa neırotıptik adamdarǵa qaraǵanda adamdarmen qarym – qatynas jasaý qıynyraq-qorshaǵan álem ol úshin tym shýly, tym jarqyn, tym aqparatqa toly bolýy múmkin. Ol beıtanys jerde shatasýy múmkin. Sondyqtan Halyqpen jumys isteıtin uıymdardyń qyzmetkerleri ASB- bar adamdarmen qalaı durys qarym - qatynas jasaý kerektigin túsinýi mańyzdy", - dep atap ótti, Bolat Ótemuratov qorynyń dırektory Marat Aıtmaǵambetov.
Týrızm basqarmasy jáne Bolat Ótemuratov qory ókilderiniń aıtýynsha, taraptar qalalyq jáne qoǵamdyq keńistikterde (temir jol stansalary, HQKO, medıınalyq mekemeler, saýda ortalyqtary, konert zaldary jáne t.b.) qajetti ınfraqurylymdy qurý úshin konsýltaııalar men saraptamalyq súıemeldeý usyna otyryp, "Autism Friendly" bastamasyn aýqymdaý nıetin bekitti. Osy jyldyń sońyna deıin Almaty qalasynyń Týrızm basqarmasy qormen birlesip Ońtústik elorda mýzeıleri qyzmetkerlerin oqytýdy josparlap otyr.
Esterińizge sala keteıik, 2023 jyly servısti jaqsartý sheńberinde 200-den astam qyzmetker Almaty qalasy Týrızm basqarmasy jáne Almaty Tourism Bureau uıymdastyrǵan fasılıtaııalyq sessııalardan ótti, onda qonaqjaılylyq algorıtmderi, komandadaǵy tıimdi jumys jáne kommýnıkaııa daǵdylary talqylandy.
Baǵdarlama erekshe tásildi qajet etetin jolaýshylarmen tıimdi qarym-qatynas jasaý úshin qyzmetkerlerdiń daǵdylaryn damytýǵa baǵyttalǵan. Bastamanyń negizgi maqsaty-qyzmetkerdiń ASB bar kelýshilerge sapaly qyzmet kórsetýge tájirıbelik daıyndyq esebinen qolaıly ınfraqurylym qurý. Bul aýtızmniń erekshelikteri týraly habardarlyqty arttyrýǵa jáne barlyq jolaýshylar úshin jaıly atmosfera qurýǵa yqpal etedi.
